Transpartnaja inśpiekcyja adreahavała na rezanansny incydent z taksi ŭ Breście. Praviedziena sustreča z vadzicielami i kiraŭnikami kampanij-pieravozčykaŭ, dzie havaryli pra toje, što biaśpieka dziaciej — pryjarytet.
Niadaŭni vypadak, kali vadziciel taksi vysadziŭ niepaŭnaletniaha pasažyra, jaki potym zhubiŭsia i byŭ znojdzieny supracoŭnikami milicyi, vyklikaŭ šyroki hramadski rezanans, piša Biełta.
Jak paviedamlali miascovyja ŚMI, vypadak zdaryŭsia 17 listapada. Baćki pryvieźli syna na sieans masažu davoli daloka ad domu i źjechali dadomu.
Paśla zaviaršeńnia sieansa vyklikali dziciaci taksi. Masažyst pasadziŭ chłopčyka ŭ mašynu i syšoŭ. Praź niekatory čas vadziciel pačaŭ cikavicca, ci jość u dziciaci hrošy dla apłaty pajezdki ci telefon. Pačuŭšy, što niama ni taho, ni druhoha, vyrašyŭ vysadzić dzicia prama pasiarod vulicy. Kiroŭca admianiŭ zamovu i źjechaŭ.
Chłopčyk, nie viedajučy miascovaści, zabłudziŭsia. Pa kamierach nazirańnia zmahli zrazumieć, što jon pajšoŭ u supraćlehły bok ad doma i znajšoŭ schovišča na pustym prypynku. Praz paŭtary-dźvie hadziny dzicia znajšli.
Jak paviedamiŭ pieršy namieśnik načalnika filijała Transpartnaj inśpiekcyi pa Bresckaj vobłaści Dzianis Rachatka, asoba vadziciela ŭstanoŭlena. Im akazaŭsia 48‑hadovy žychar Bresta.
Kiroŭca pryciahnuty da administracyjnaj adkaznaści pa art. 18.26 KaAP (parušeńnie kiroŭcam aŭtamabila-taksi praviłaŭ pieravozki pasažyraŭ).
«Kab vyklučyć paŭtareńnie takich situacyj, filijałam inśpiekcyi praviedziena sustreča z vadzicielami taksi i kiraŭnikami kampanij-pieravozčykaŭ. Abmiarkoŭvalisia pytańni zabieśpiačeńnia biaśpieki niepaŭnaletnich, a taksama pavyšeńnie adkaznaści vadzicielaŭ», — skazaŭ Dzianis Rachatka.
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
-
Pad Mahilovam pjany mužčyna napaŭ u kramie z nažom na padletkaŭ
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
Inšy astałop pasadziŭ dzicionka ŭ mašynu ničoha nie patłumačyŭšy i pajšoŭ.
Treci astałop vysadziŭ dzicionka.
Čamu pakarali adnaho astałopa?