У Расіі прызначаны штраф па першай вядомай справе пра пошук экстрэмісцкіх матэрыялаў. Суд у Каменск-Уральскім аштрафаваў 20‑гадовага жыхара горада Сяргея Глухіх.
Медбрата з Каменск-Уральскага Сяргея Глухіх аштрафавалі на 3 тысячы расійскіх рублёў (гэта каля 110 беларускіх).
Як вынікае з пратакола, 24 верасня Глухіх ехаў у аўтобусе і загугліў «Азоў». У той жа дзень яго затрымалі супрацоўнікі ФСБ — яны атрымалі прызнавальныя паказанні Глухіх і доступ да яго тэлефона. Таксама, як вынікае з матэрыялаў справы, у тэлефоне была гісторыя пошуку УНА-УНСО, «Азова» і РДК.
Выданне «Медыязона» адзначае, што паліцэйская, якая складала пратакол, расказала, што пра парушэнне ім паведаміў «невядомы». Пры гэтым у справе ёсць ведамасная перапіска, з якой вынікае, што ў МУС звярнулася менавіта ФСБ.
На судзе супрацоўнік ФСБ Антон Замараеў заявіў, што Глухіх «даўно быў у полі зроку» сілавікоў, у дачыненні да яго вялі аператыўную распрацоўку. Адвакат маладога чалавека Сяргей Барсукоў адзначыў, што сілавікі не змаглі даказаць факт таго, што Глухіх спецыяльна шукаў сімволіку забароненых арганізацый — так, ён мог загугліць горад Азоў у Растоўскай вобласці і выпадкова наткнуцца на лагатып украінскага палка.
Цяпер чытаюць
Ці закрыюць Еўропу для беларусаў? Дарадца Ціханоўскай распавёў, пра што дамовіўся ў Берліне3
Каментары
З улікам "даўно яго вялі", проста схапілі, а аштрафавалі за тое, што знайшлі ўжо пры аглядзе тэлефона. Як у РБ часта было.
Вы не на то обращаете внимание. Загуглил что-то, и уже экстремист. Это же полный бред. Как будто пропагандисты не гуглят про Украину. А представьте, что кто-то загуглит Служебный роман, а Гугл выдаст ему про Зеленского. По этому зaкону штрафовать можно всех, в том числе Шамана, Киселёва, Путина.
Дзіўна фармуляваць дапаўненне як асабістую прэтэнзію-абвяржэнне.
Умоўна, маглі ўжо дадумацца да аўтаматызаванага маніторынгу трафіка сярод падазроных грамадзян (украінцаў, былых удзельнікаў НДА, "хатніх хімікаў", раней затрыманых на пратэстах і г.д.).