На «Белвесце» разрэзалі боты, каб паказаць перавагу беларускага абутку
На віцебскай фабрыцы «Белвест» вырашылі наглядна паказаць, чым іх абутак адрозніваецца ад больш танных азіяцкіх аналагаў. Каб давесці вышэйшую якасць беларускай прадукцыі, работнікі прадпрыемства нават разрэзалі некалькі пар абутку, піша Telegraf.news.
У «Белвесце» падкрэсліваюць, што на кошт і якасць абутку ўплываюць два галоўныя фактары: матэрыялы і тэхналогіі вытворчасці. Азіяцкі абутак часта таннейшы, але, на думку беларускіх спецыялістаў, гэта дасягаецца за кошт эканоміі на сыравіне і тэхналогіях.
Прадстаўніца тэхналагічнага аддзела прадэманстравала два вонкава падобныя боты і патлумачыла, што «танныя азіяцкія мадэлі» часта робяць не з паўнавартаснай скуры, а з перапрацаваных валокнаў — па сутнасці, з адкідаў. Такі матэрыял накрываюць поліўрэтанавай плёнкай, якая не прапускае паветра. У выніку нага ў такім абутку «не дыхае», а сама плёнка лёгка пашкоджваецца.
Беларускі ж абутак нібыта робяць з натуральнай скуры, якая прапускае вільгаць і паветра, таму нагам у ім камфортней.
Адрозненні закранаюць і тэхналогію мацавання падэшвы. Па словах тэхнолагаў, у «Белвесце» скураная загатоўка праходзіць спецыяльную апрацоўку, што робіць склейванне з падэшвай больш надзейным. У многіх азіяцкіх мадэлях гэтую стадыю прапускаюць: падэшва трымаецца толькі па краі, таму хутчэй можа адарвацца.
Каб паказаць розніцу, на фабрыцы разрэзалі абутак і прадэманстравалі пакупнікам, як выглядае ўнутраная будова розных мадэляў.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары
Пускай хоть на лапшу рамэн их режут.