Спецыяліст расказаў, як сябе засцерагчы ад падману па схеме Долінай
Адзін з распаўсюджаных спосабаў махлярства з кватэрамі — гэта так званая «бабуліна схема», якую пасля гісторыі з расійскай спявачкай сталі называць «схемай Долінай». У гэтым выпадку неўзабаве пасля продажу кватэры прадавец спрабуе аспрэчыць угоду, заяўляючы, што стаў ахвярай махляроў.
У гэтым выпадку неўзабаве пасля продажу кватэры прадавец спрабуе аспрэчыць здзелку, заяўляючы, што стаў ахвярай махляроў. Пра тое, як пакупніку кватэры мінімізаваць рызыку і не сутыкнуцца з такой з’явай, расказалі ў Камітэце судовых экспертыз, піша 1prof.by.
У Беларусі ёсць такая паслуга — праверка прадаўца на «сумленнасць здзелкі». Яе можна замовіць у абласных і Мінскім гарадскім упраўленнях судова-псіхіятрычных экспертыз.
Працуе гэта так. Пакупнік прапануе прадаўцу (асабліва, калі гэта паджылы чалавек, які раптам прадае кватэру) прайсці праверку. Гэта зойме пэўны час, бо, па-першае, трэба сабраць некаторыя дакументы (напрыклад, з паліклінікі, цэнтра псіхіятрыі і псіхатэрапіі, наркалагічнага цэнтра).
Потым прадавец праходзіць камісію, што складаецца з трох псіхіятраў і двух псіхолагаў. Там ацэньваюць псіхічны стан чалавека і з высокай верагоднасцю могуць выявіць, што ён прыняў рашэнне пра продаж, знаходзячыся пад знешнім уплывам.
Але чалавек павінен даць згоду на праходжанне экспертызы. Па-другое, гэта каштуе грошай — прыкладна 1,5 тыс. рублёў, якія відавочна давядзецца аплаціць пакупніку, бо ён у гэтым больш зацікаўлены. Па-трэцяе, экспертыза, хутчэй за ўсё, не дасць адназначнага адказу, а толькі ацэніць імавернасць.
Чацвёртае — гэта тэрміны. Вынікі эксперты падрыхтуюць на працягу 30 дзён. З іншага боку, такая затрымка можа якраз сарваць планы махляроў, кажуць спецыялісты.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары