У Канадзе дазволілі збіраць подпісы за рэферэндум аб аддзяленні галоўнай нафтаздабыўной правінцыі
У Канадзе дазволілі пачаць збор подпісаў за правядзенне рэферэндуму аб незалежнасці Альберты — галоўнай нафтадабыўной правінцыі краіны. Камісія па выбарах Альберты падтрымала ініцыятыву групы Alberta Prosperity Project («Праект росквіту Альберты»), паведамляе CBC.
Да пачатку студзеня група павінна прызначыць фінансавага дырэктара, пасля чаго можна будзе афіцыйна распачаць кампанію. У петыцыі прапануецца вынесці на галасаванне пытанне: «Ці згодныя вы, што правінцыя Альберта павінна перастаць быць часткай Канады і стаць незалежнай дзяржавай?»
Паводле правіл, арганізатары павінны за чатыры месяцы сабраць не менш за 178 тысяч подпісаў, што складае каля 3,5% насельніцтва Альберты. У самой групе ўжо налічваецца каля 2 тысяч чалавек, а яшчэ прыкладна 240 тысяч жыхароў нібыта гатовыя падтрымаць ініцыятыву сваімі подпісамі.
Раней у гэтым годзе спроба правесці рэферэндум правалілася: суд прызнаў першапачатковую фармулёўку пытання неканстытуцыйнай. Пасля гэтага правілы правядзення рэферэндумаў па грамадзянскай ініцыятыве былі змененыя, што дазволіла групе перафармуляваць пытанне і паўторна падаць заяўку.
Альберта — ключавая нафтаздабыўная правінцыя Канады, дзе знаходзіцца 95—97% разведаных запасаў нафты краіны, пераважна ў выглядзе бітумінозных нафтавых пяскоў. Правінцыя размешчаная на захадзе краіны, на поўдні яна мяжуе з амерыканскім штатам Мантана.
Альберта ўвайшла ў склад Канады ў 1905 годзе. Яе адміністрацыйны цэнтр — Эдмантан, найбольшы горад — Калгары. Насельніцтва правінцыі перавышае 4 мільёны чалавек.
Як адключэнне інтэрнэту ў Іране раптам раскрыла сувязь Тэгерана з шатландскім сепаратызмам
Прарасійскі рэгіён Афрыкі, дзе забілі вагнераўцаў, аб'яднаўся ў канфедэрацыю. Дзеля чаго?
«Тэхас — наш!» АНТ апублікаваў фэйкавы допіс Маска
Прэм'ер Грэнландыі: Мы не хочам быць амерыканскімі або дацкімі, але хочам быць незалежнымі
У Лагойску пекар адмаўляецца прадаваць свой хлеб пакупнікам, у якіх ёсць сабакі82
Каментары