26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
Ураджэнец Лунінца Андрэй Гаргун з'ехаў у Расію, паверыўшы ў абяцанні працы на «Каспійскім марcкім флоце», але апынуўся ў шэрагах наймітаў і загінуў. Ягоная маці сцвярджае, што сына падманулі, аднак прызнае: галоўнай прычынай паездкі сталі «вялікія грошы, якія ён вельмі любіў».
Андрэю Гаргуну на момант смерці было 26 гадоў. Ён родам з Лунінца. У 2014 годзе хлопец скончыў мясцовую прафесійна-тэхнічную вучэльню №160 (сёння — Каледж сельскагаспадарчай вытворчасці). У лістападзе 2017‑м яго забралі ў войскі ССА, адкуль ён выйшаў на дэмбель у маі 2019-га.
Пра гібель сына напісала ягоная маці Валянціна Гаргун у Аднакласніках. Паводле яе слоў, 23 снежня 2025 года была гадавіна з дня ягонай смерці — гэта значыць, што Андрэй загінуў у канцы 2024 года. Жанчына настойвае, што хлопец ехаў «не на вайну», а рэалізоўваць дзіцячую мару пра марскую пяхоту.
«А там, я думаю, заграблі. Яны едуць не забіваць, а паміраць. Выжываць там не даюць», — наракае жанчына.
У тым жа допісе маці прызнаецца ў фінансавай матывацыі: «Асноўная прычына вайны — гэта вялікія грошы. Як убачыла лічбы, мне самой захацелася паехаць». Праўда, яна сцвярджае, што абяцаных выплат ад расійскага боку сваякам дамагчыся немагчыма.
Маці загінулага наракае на адсутнасць дзяржаўных абмежаванняў, якія маглі б выратаваць яе сына. На ейную думку, памылка ўладаў у тым, што «ад пачатку не наклалі забарону на выезд у Расію», дзякуючы чаму моладзь магла б застацца жывой.
«Як убачыла лічбы, мне самой захацелася паехаць. Не дзіўна, што моладзь не можа ўтрымацца. Найбольшая спакуса — вялікія грошы, якія мой сын вельмі любіў. А вялікія грошы прыносяць вялікую бяду», — піша яна.
Цяпер жанчына спрабуе перасцерагчы іншых і расказвае пра немагчымасць атрымаць кампенсацыю пасля смерці сына. Праўда, у выніку свае каментары ў Аднакласніках яна выдаліла.
«Наша Нiва» — бастыён беларушчыны
ПАДТРЫМАЦЬНа вайсковым факультэце БДУІР студэнтаў вучаць страляць пад сцягам ПВК «Вагнер» ФОТАФАКТ
Спецназавец з Ашмян вырашыў зрубіць бабла і завербаваўся на вайну. Цяпер у палоне называе сябе да***бам
25‑гадовы хлопец з Навагрудка, які быў на мітынгах за Лукашэнку ў 2020-м, паехаў ваяваць з Украінай. І загінуў
Цяпер чытаюць
«Беларусь цябе любіць». Рэпартаж з развітання з Мікітам Мелказёравым6
Каментары