Расійскі камбат пасварыўся з начальнікам і прапаў назаўсёды. Той урэшце прызнаўся ў забойстве — але пасля расстралялі і яго
Асаблівасці ўзаемаадносінаў у расійскім войску расказваюць Z-блогеры.
Камандзір 2 стралковага батальёна 95 палка Юрый «Сівы» Буракоў знік 28 ліпеня 2025 года, паспеўшы паведаміць жонцы, што яго выклікаў да сябе камандзір 95 палка 5 брыгады 51 арміі Дзмітрый «Старына» Іванкевіч.
Пасля гэтага Сівога ніхто не бачыў. Жонка і сябры сталі шукаць яго, але камандзір, той самы Старына, сказаў, што Сівы самавольна пакінуў часць. У выніку да справы падключылася Ваенная пракуратура Расіі, піша Z-блогер Пётр Лундстрэм.
Што высветлілася?
11 жніўня 2025 Старына прыйшоў з пакаяннем і прызнаўся, што забіў Сівога. Ён паказаў месца пахавання, але ўдакладніў, што пасля рэзанансу таго ўжо паспелі і перапахаваць.
У верасні на камандзіра палка ўсё ж завялі крымінальную справу — праз месяц пасля прызнання ў забойстве! — але вырашылі не затрымліваць.
Аднак у лістападзе Старына быў знойдзены з чатырма кулявымі раненнямі — двума ў галаву, двума ў сэрца.
Хто вырашыў яму адпомсціць, невядома.
«Старына забіты, але ўсё яшчэ не прыцягнуты да адказнасці двое іншых меркаваных саўдзельнікаў забойства, якія дапамагалі яму схаваць злачынства», — наракае Z-блогер Пётр Лундстрэм.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары