Адбылася маштабная ўцечка звестак у Instagram — інфармацыя пра 17,5 мільёна карыстальнікаў трапіла ў даркнэт. Пра гэта паведаміла кампанія Malwarebytes, якая займаецца кібербяспекай.
Хоць паролі ў выкрадзенай базе адсутнічаюць, хакеры атрымалі вялікі аб’ём асабістых звестак. Сярод іх — імёны карыстальнікаў і сапраўдныя прозвішчы, нумары тэлефонаў, электронныя адрасы, а таксама іншыя звесткі профіляў.
Асноўная пагроза ў тым, што нават без пароляў такая інфармацыя вельмі каштоўная для ашуканцаў. Ужо назіраецца рост мэтавага фішынгу: людзям масава прыходзяць лісты, паведамленні і званкі нібыта ад службы падтрымкі з патрабаваннем тэрмінова памяняць пароль, пацвердзіць уліковы запіс або перайсці па спасылцы для «абароны звестак».
На самай справе гэта падман: спасылкі вядуць на фальшывыя старонкі, дзе карыстальнікі самі перадаюць зламыснікам свае сапраўдныя паролі і коды двухфактарнай аўтэнтыфікацыі.
Каб засцерагчы сябе, спецыялісты раяць не пераходзіць па падазроных спасылках, праверыць, ці ўключаная двухфактарная абарона, і з асцярогай ставіцца да званкоў і SMS. Таксама важна папярэдзіць блізкіх і калег — у сучасных умовах кібергігіена мае асаблівую значнасць.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары