Трамп заявіў, што мірнае пагадненне па Украіне зацягвае Зяленскі, а не Пуцін
«Я думаю, ён гатовы заключыць здзелку, — сказаў Трамп пра Пуціна. — Я думаю, Украіна менш гатовая да ўгоды».
Прэзідэнт ЗША сцвярджае, што заключэнню патэнцыйнага мірнага пагаднення перашкаджае Украіна, а не Расія.
У эксклюзіўным інтэрв’ю агенцтву Reuters у Авальным кабінеце Трамп заявіў, што прэзідэнт Расіі Уладзімір Пуцін нібыта гатовы закончыць вайну ва Украіне, якую ён пачаў і якая працягваецца ўжо амаль чатыры гады.
«Я думаю, ён гатовы заключыць угоду, — сказаў Трамп пра расійскага прэзідэнта. — Я думаю, Украіна менш гатовая да здзелкі».
На пытанне, чаму перамовы пад патранажам ЗША дагэтуль не прывялі да ўрэгулявання найбуйнейшага ваеннага канфлікту ў Еўропе з часоў Другой сусветнай вайны, Трамп адказаў адным словам: «Зяленскі». «Я думаю, што яму цяжка на гэта пайсці», — дадаў ён пасля ўдакладняльнага пытання.
Рыторыка Трампа рэзка кантрастуе з пазіцыяй еўрапейскіх саюзнікаў, якія лічаць, што Масква не зацікаўленая ў спыненні вайны ва Украіне.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць12
Каментары