Экіпаж Міжнароднай касмічнай станцыі ўпершыню вярнуўся на Зямлю раней запланаванага тэрміну праз праблемы са здароўем аднаго з удзельнікаў палёту. Касмічны карабель Crew Dragon з экіпажам місіі Crew-11 паспяхова прывадніўся ўночы 15 студзеня ў Ціхім акіяне каля ўзбярэжжа Сан-Дыега, паведаміла NASA.
У склад экіпажа ўваходзілі астранаўты NASA Зена Кардман і Майк Фінк, касманаўт «Раскосмасу» Алег Платонаў і прадстаўнік Японскага касмічнага агенцтва Кімія Юі. Яны прабылі на МКС 165 дзён.
Місію Crew-11 давялося закончыць датэрмінова — гэта першы такі выпадак у гісторыі NASA. Прычынай сталі праблемы са здароўем аднаго з членаў экіпажа, аднак яго імя не агалошваецца.
Пра хваробу стала вядома 8 студзеня, калі на станцыі скасавалі запланаваны выхад у адкрыты космас.
На гэты момант на МКС застаюцца расійскія касманаўты Сяргей Кудзь-Свярчкоў, які стаў камандзірам станцыі, і Сяргей Мікаеў, а таксама астранаўт NASA Крыстафер Уільямс. Прыбыццё наступнай місіі Crew-12 чакаецца ў сярэдзіне лютага.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай4
Каментары
Далее можете поедставить . Возврат части экипажа там тоже в сценарии .
Вот и думай .