У Беларусі запусцілі сэрвіс, які значна палягчае аплату паслуг, што аказваюць кліентам самазанятыя асобы. Раней пераводы можна было рабіць праз АРІП, але цяпер працэс стаў яшчэ прасцейшы і хутчэйшы дзякуючы новай функцыі — «Мой QR», паведамілі ў Нацыянальным банку.
Начальнік Галоўнага ўпраўлення плацежнай сістэмы і лічбавых тэхналогій Нацбанка Антон Падрэз расказаў, што для таго, каб скарыстацца сэрвісам, трэба зайсці на сайт АРІП, абраць свой банк, увесці патрэбны ідэнтыфікатар (ёсць падказка) і згенераваць QR-код. Гэты код можна адправіць кліенту праз месенджар у выглядзе спасылкі.
Па словах Антона Падрэза, сэрвіс будзе карысны для самазанятых асоб, бо цяпер ім не трэба шукаць спосаб аплаты сваіх паслуг — QR-код можна падрыхтаваць загадзя і перадаць кліенту.
Таксама плануецца далейшае развіццё сэрвісу, каб праз яго можна было рабіць і ўнутрыбанкаўскія плацяжы. Пераводы праз «Мой QR» бясплатныя, як і ўсе іншыя аперацыі праз АРІП.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары