Дэсантніка, якога прызнавалі найлепшым камандзірам узвода спецназа, асудзілі па палітычнай крыміналцы
У Брэсце вынеслі прысуд 29‑гадоваму Максіму Дударгу. Яшчэ нядаўна ён быў элітай войска і перамагаў у спаборніцтвах дэсантнікаў, а цяпер апынуўся за кратамі за палітыку.
Максіму Дударгу 29 гадоў. Хлопец родам з Лунінца. Усё сваё дарослае жыццё ён прысвяціў спорту і вайсковай службе. Яшчэ ў 2015 годзе Максім бегаў марафоны і паўмарафоны ў складзе клуба «Вікторыя».
Пазней служыў у 38‑й асобнай дэсантна-штурмавой брыгадзе ў Брэсце. У лютым 2020 года дзяржаўныя СМІ пісалі пра яго як пра ўзорнага афіцэра: «гвардыі старшы лейтэнант Дударга стаў найлепшым камандзірам дэсантнага ўзвода сіл спецыяльных аперацый па выніках спаборніцтваў па палявой вывучцы».
Падобна, што ён даслужыўся да капітана — прынамсі так яго пазней падпісвалі ў запісных кніжках, «капітан Дударга».
Максім займаўся роварным спортам, удзельнічаў у велапрабегах клуба «ВелаБрэст» і нават падпрацоўваў кіроўцам, возячы спадарожнікаў па маршруце Мінск — Брэст — Лунінец.
Незразумела, ці працаваў Дударга у спецназе дагэтуль, ці ўжо звольніўся.
Брэсцкі абласны суд пакараў яго паводле частак 1 і 2 артыкула 361‑4 Крымінальнага кодэкса — «садзейнічанне экстрэмісцкай дзейнасці». Звычайна па гэтым артыкуле цяпер судзяць па справе Гаюна.
Прысуд Дударгі дакладна невядомы, але гэта хімія з накіраваннем ці калонія.
«Наша Нiва» — бастыён беларушчыны
ПАДТРЫМАЦЬ23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары