Нямецкі банк адказаў на словы Марыі Калеснікавай пра блакіроўку рахунку
Банк Commerzbank адказаў на запыт Deutsche Welle, чаму быў заблакаваны нямецкі рахунак былой беларускай палітзняволенай Марыі Калеснікавай, пакуль яна адбывала пакаранне ў калоніі.
Нямецкі Commerzbank, дзе ў Марыі Калеснікавай быў рахунак да яе арышту ў Беларусі, у каментары для DW Беларусь адказаў, што не могуць каментаваць адносіны з асобнымі кліентамі.
У банку таксама ўдакладнілі, што запыты на аднаўленне рахунку перадаюцца ў адпаведны аддзел для разгляду, які пасля, як правіла, звязваецца з кліентам.
«У цэлым мы можам сказаць, што працягваем абслугоўваць кліентаў — грамадзян Беларусі, калі яны пражываюць у Еўрапейскім саюзе і маюць дзейны дазвол на жыхарства ў той краіне ЕС, у якой яны пражываюць», — растлумачыў прадстаўнік Commerzbank.
На мінулым тыдні Марыя Калеснікава заявіла, што пакуль яна сядзела ў калоніі, яе рахунак у Commerzbank быў заблакаваны і звязала гэта з санкцыямі супраць Беларусі.
«Даволі пацешная гісторыя. У мяне быў рахунак у Commerzbank 17 гадоў [Марыя жыла ў Германіі з 2008 года — НН]. Калі я была ў калоніі, натуральна, я не магла ім кіраваць. І ў нейкі момант яго заблакавалі. Цяпер мой рахунак заблакаваны, і ў мяне няма доступу да яго праз санкцыі супраць Беларусі. Я таксама з Беларусі, і гэта закранае і мяне, хоць я цяпер у Германіі са сваім [заблакаваным] рахункам, які быў адкрыты 17 гадоў таму. І я пакуль нічога не магу з гэтым зрабіць», — сказала яна.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Цяпер чытаюць
Зяленскі: Рэтранслятары на мяжы Беларусі прыпынілі працу69
Каментары