НАБУ і САП прад’явілі абвінавачанне экс-міністру энергетыкі Украіны Герману Галушчанку. Былому чыноўніку інкрымінавана адмыванне сродкаў і ўдзел у злачыннай арганізацыі.
У ноч 15 лютага экс-міністра энергетыкі Украіны затрымалі пры спробе з'ехаць з краіны. Памежнікі мелі запыт ад спецслужбаў адносна Галушчанкі — для атрымання інфармацыі ў выпадку яго спробы перасекчы мяжу. Такая практыка ўжываецца, калі чалавек фігуруе ў крымінальных справах.
Паводле даных антыкарупцыйных органаў, удзельнікі злачыннай арганізацыі ў 2021 годзе зарэгістравалі на востраве Ангілья фонд, які павінен быў прыцягнуць каля 100 мільёнаў долараў інвестыцый. Сярод інвестараў была і сям'я Галушчанкі, але яго ўдзел у фондзе быў схаваны праз ланцужок кампаній, а іх бенефіцыярамі сталі былая жонка і чацвёра дзяцей чыноўніка.
Затым удзельнікі злачыннай арганізацыі пачалі пералічваць на рахункі фонду, адкрытыя ў трох швейцарскіх банках, сродкі «ў інтарэсах падазраванага». Такім чынам было пералічана больш за 7,4 мільёна долараў. Яшчэ больш за 1,3 мільёна швейцарскіх франкаў і 2,4 мільёна еўра выдалі наяўнымі і пералічылі сям'і Галушчанкі напрамую ў Швейцарыі.
Частку гэтых сродкаў выдаткавалі на аплату навучання ў прэстыжных установах Швейцарыі і размясцілі на рахунках былой жонкі падазраванага. Астатнія паклалі на дэпазіт, з якога сям'я атрымлівала дадатковы даход.
Галушчанка з'яўляецца, разам з бізнэсменам Цімурам Міндзічам, адным з ключавых фігурантаў карупцыйнай справы ў найбліжэйшым атачэнні Уладзіміра Зяленскага.
У лістападзе мінулага года Галушчанку адправілі ў адстаўку, аднак ён быў на волі.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары
Пры прызначэнні ні офіс Кіева ні сбУ гру ні звярталі увагу ні лічылі гэта ...сумнеўным ..кейсам))))