«Цяпер я лічу, што ў нас ёсць шанец», — сказаў прэзідэнт Украіны.
Ёсць акно магчымасцяў для завяршэння вайны Расіі супраць Украіны да прамежкавых выбараў у ЗША ў лістападзе гэтага года. І цяпер яно адкрытае. Па гэта прэзідэнт Украіны Уладзімір Зяленскі заявіў у інтэрв’ю Sky News, піша РБК-Украіна.
«Цяпер я лічу, што ў нас ёсць шанец. Паміж намі кажучы, што я насамрэч думаю пра наступны год… Гэта залежыць ад гэтых месяцаў — ці будзем мы мець магчымасць закончыць вайну да восені. Да важных, уплывовых выбараў у ЗША. Калі ўдасца дасягнуць міру, то ў нас ёсць гэтае акно магчымасцяў. Зараз гэтае акно адкрытае», — сказаў Зяленскі.
Ён адзначыў, што Злучаныя Штаты нават мацнейшыя, чым самі пра сябе думаюць.
«І я сапраўды так лічу. Яны сапраўды могуць ціснуць на Пуціна. Яны могуць спыніць гэтую вайну», — падкрэсліў прэзідэнт.
Зяленскі таксама апісаў свае адносіны з прэзідэнтам ЗША Дональдам Трампам як «няпростыя», але падкрэсліў, што дачыненні Украіны выходзяць за межы «асоб».
Раней Дональд Трамп падчас тэлефоннай размовы з Зяленскім заявіў, што хоча дамагчыся завяршэння вайны ва Украіне за месяц. Таксама раней называлася сярэдзіна мая,
У той жа час у Белым доме настойваюць на заключэнні пагаднення аб заканчэнні вайны ва Украіне да 250‑й гадавіны незалежнасці ЗША, якую будуць адзначаць 4 ліпеня.
Таксама называўся і пачатак лістапада, калі з ЗША пройдуць прамежкавыя выбары ў Кангрэс, што важна для Трампа, каб паказаць нейкія рэальныя вынікі.
Калі вайна ва Украіне не скончыцца да пачатку чэрвеня, то абгоніць працягласцю Першую Сусветную.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары