Як стала вядома «Нашай Ніве», ад сёння «Мінсктранс» працуе без генеральнага дырэктара. Алег Дзюбенка быў звольнены з прадпрыемства.
У прыёмнай пацвярджаюць, што Алег Дзюбенка больш не працуе на ранейшым месцы. Яго асабістая старонка на сайце «Мінсктранса» ўжо выдаленая.
Ад пачатку года ў працы грамадскага транспарту было зафіксавана некалькі збояў у сувязі з пашкоджаннем інфраструктуры, у прыватнасці — абрывам кантактных сетак. У выніку рух тралейбусаў раз за разам спыняўся на многіх сталічных маршрутах.
Алегу Дзюбенку 59 гадоў. Ён нарадзіўся ў Бішкеку, але з дзяцінства жыў у Гомелі. Вышэйшую адукацыю атрымаў у Харкаве.
Усю кар'еру правёў у сістэме «Мінсктранса». Пачынаў майстрам у тралейбусным дэпо №3, пасля працаваў інжынерам, дайшоў да пасады галоўнага інжынера «Мінсктранса», а пасля і генеральнага дырэктара. На гэту пасаду Дзюбенка быў прызначаны ў 2020 годзе, замяніўшы Лявонція Папенку, які ўзначальваў «Мінсктранс» амаль 15 гадоў.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары