Сёння ў Кіеве разглядалі апеляцыю беларускай журналісткі Іны Кардаш, пададзеную адносна яе арышту па падазрэнні ў шпіянажы на карысць беларускіх спецслужбаў. Пасля затрымання Шаўчэнкаўскі раённы суд Кіева арыштаваў Кардаш, але абарона жанчыны хацела, каб яе вызвалілі. Пра падрабязнасці судовага разгляду паведаміла выданне «Суспільне».
Адвакатка Кардаш Кацярына Юсупава падала апеляцыю, падкрэсліваючы, што яе падазраваная замужам, мае кватэру і не збіраецца ўцякаць. Юсупава таксама адзначыла, што пададзеныя следствам дакументы не даказваюць здзяйснення злачынства, і што Кардаш растлумачыла сутнасць сваіх кантактаў ды камунікацый, якія ёй прыпісваюцца як шпіянаж.
Кардаш удзельнічала ў паседжанні праз відэасувязь з СІЗА, яе было кепска чуваць. Жанчына сказала, што не збіраецца ўцякаць, а ў яе пашпарце няма віз, каб пакінуць краіну.
У той жа час пракурор настойваў на ўтрыманні пад вартай, спасылаючыся на запісы праслухоўвання і экспертызы, якія пацвярджаюць перадачу сакрэтных дакументаў куратарам. Ён адзначыў, што ў Кардаш няма сталых сувязяў ва Украіне: яна была звольнена з ГУР, не мае дзяцей і мае толькі мужа, якога, паводле матэрыялаў следства, таксама спрабавала завербаваць.
Раней Служба бяспекі Украіны апублікавала відэа, на якім Кардаш нібыта спрабавала завербаваць мужчыну, аднак дакладна яго асобу не ўдалося вызначыць. Па інфармацыі СМІ, гэты чалавек можа быць добраахвотнікам, якога яна спрабавала прыцягнуць да супрацоўніцтва.
Прокурор таксама паведаміў, што цяпер «ужываюцца меры адносна яе [Кардаш. — Рэд.] абмену з беларускім бокам», аднак канкрэтных звестак пра згоду на гэта Беларусі няма, а працэс камунікацыі працягваецца.
Пасля заслухоўвання бакоў калегія суддзяў адхіліла апеляцыю абароны і пакінула Кардаш пад вартай. Падчас перапынку Кардаш адмовілася даваць каментары прэсе праз відэасувязь.
У выніку абвінавачаная ў шпіянажы журналістка застаецца ў СІЗА.
Працавала з КДБ праз іншага беларуса і ўжо служыла ў Мінабароны Украіны. Новыя дэталі ў справе Іны Кардаш
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
КДБ пачаў кар’еру Кардаш, падсунуўшы яе ў Мінску 55‑гадоваму гуру ўкраінскай журналістыкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
InformNapalm просіць ГУР абмяняць затрыманую за шпіянаж Кардаш на журналіста Дзяніса Івашына
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары