Яна пасля двух спробаў заняла восьмае месца.
Пасля першай спроба Ганна была 10‑й з вынікам 86,44. У другой спробе яна паказала добры вынік — 100,29, але гэта толькі восьмае месца.
Золата выйграла кітаянка Сю Мінтаа (112,9), у аўстралійкі Дэніэл Скот — срэбра (102,17), у кітаянкі Ксі Шаа — бронза (101,9).
Пачынаючы з 1998 года беларускія фрыстайлісты прывозілі медалі з усіх Алімпіядаў, у тым ліку у 2010, 2014 і 2018 гадах залатыя. Гуськова ўзяла золата на Алімпіядзе-2018 і срэбра ў 2022 годзе.
На Алімпіядзе ў Беларусі засталася толькі адна прадстаўніца — канькабежка Марына Зуева. Яна возьме ўдзел у мас-старце ў суботу.
Медалёў на гэтай Алімпіядзе ў беларусаў няма, упершыню з 1994 года.
Але на гэтых Гульнях у нас мінімальнае прадстаўніцтва, усяго сем чалавек, у ранейшыя разы было 27—33, у тым ліку з-за міжнароднага бану няма біятланістаў і біятланістак, што рэгулярна прывозілі медалі.
Каментары