Маркава зноў спыталі, ці плануе Мінінфарм пашыраць беларускую мову на тэлебачанні
«Толькі крыху больш за 1% насельніцтва аддае перавагу кантэнту на беларускай мове.
Чаму міністр інфармацыі на пытанне аб павелічэнні колькасці кантэнту на беларускай мове адказаў адмовай? Калі цяпер Міністэрства інфармацыі не бачыць падстаў для рэзкага павелічэння кантэнту на беларускай мове, можа быць, варта перагледзець падыходы і задаваць праз СМІ трэнд, а не прытрымлівацца яго? Гэтыя пытанні задала Марату Маркаву карэспандэнтка СТБ Алёна Сырова на рускай мове.
Маркаў згадаў, што яму прапанавалі запусціць адразу 45% праграм на тэлебачанні на беларускай мове.
«Але так дакладна рабіць нельга. Таму што гэта нічым сёння не абгрунтавана», — запэўнівае ён.
«Чаму не 20%, чаму не 15%, чаму не тыя суадносіны, якія сёння ёсць у Беларусі? 25% (па перапісе) гавораць на беларускай мове. З пазіцыі Міністэрства, да гэтага трэба ісці спакойна, паступальна і не выклікаючы моўных пытанняў і моўных праблем. Таму што мы як дзяржаўны орган не маем права нашкодзіць і ствараць крытычныя сітуацыі», — кажа ён.
Ён гаворыць, што існуюць дзве абсалютна дыяметральна супрацьлеглыя групы.
«Адны кажуць пра тое, што беларускую мову прыніжаюць у краіне, а другія крычаць пра тое, што прыніжаюць рускую мову. І тыя, і другія працуюць не на карысць дзяржавы. І тыя, і другія вельмі блізкія да таго, каб заявіць у дачыненні да іх аб тым, што яны праяўляюць экстрэмісцкія ідэі. Таму што спрабуюць унесці разлад у наша грамадства. І з тымі, і з другімі трэба змагацца», — гаворыць ён.
Маркаў запэўнівае, што сёння толькі крыху больш за адзін працэнт хочуць глядзець праграмы на беларускай мове. Яшчэ каля 30% «спакойна ўспрымаюць любы моўны кантэнт», а астатнія хочуць глядзець на рускай мове.
«Гэта адпраўная кропка на сёння», — ставіць кропку Маркаў.
Ён гаворыць, што міністэрства мае магчымасць стымуляваць праекты на беларускай мове.
«Мы гэтую лінію будзем праводзіць спакойна, без надрыву», — абяцае Маркаў.
Ён прапануе праз пару гадоў правесці зноў апытанне і паглядзець, як змянілася сітуацыя. «Тут комплекснае пытанне, калі мы хочам сапраўды стымуляваць інтарэс да больш шырокага прымянення беларускай мовы», — расказаў Маркаў, ні слова не сказаўшы па-беларуску.
.
-
«Не марнуйце час». Кампанія праехала 22 кіламетры ў рэстаран пад Гроднам, заплаціла за ўваход у яго, але засталася галоднай
-
27 мігрантаў паспяхова перайшлі беларуска-літоўскую мяжу, але засвяціліся на камеры літоўскіх паляўнічых ВІДЭА
-
«Мы ўжо не постсавецкае грамадства». Алесь Бяляцкі выступіў на Нобелеўскай канферэнцыі
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч16
Каментары
Пытанне першае - якія праграмы?