«Хоць нешта ў гэтым свеце павінна быць стабільным». На «Лідскім піве» патлумачылі, чаму ніколі не зробяць квас для прыхільнікаў ЗЛЖ
«Нам часта пішуць: зрабіце квас без цукру, мы за правільнае харчаванне», — піша прэс-служба прадпрыемства ў Threads. А далей тлумачыць, чаму гэта задача — непасільная.
«Квас — гэта прадукт браджэння. І каб запусціць гэты працэс, патрэбен цукар, каб выклікаць рэакцыю дрожджаў. Без цукру не будзе ні ферментацыі, ні бурбалак вуглякіслага газу, а значыць і кісла-салодкага, таго самага пазнавальнага смаку квасу таксама не будзе», — тлумачаць на прадпрыемстве тэхналогію.
Пасля чаго раяць:
«Давайце прымем той факт, што квас — напой традыцыйны з нязменнай рэцэптурай і тэхналогіяй. А акрамя любімага смаку, квас — добры памочнік страўніку: амбен рэчываў паскорыць і дапаможа пераварыць цяжкую ежу.
Давайце эксперыменты пакінем для іншых нашых газіровак. Пагадзіцеся, хоць нешта ў гэтым свеце павінна быць стабільным».
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары