Аўтамабільны дылер «Белджы» выпусціў абмежаваную серыю электрамабіляў Geely EX2 у ружовым колеры — да 8 сакавіка, у гонар Міжнароднага жаночага дня і Года беларускай жанчыны, піша Office.life.
Усяго вырабілі 89 такіх аўтамабіляў, якія ўжо паступілі ў продаж у аўтацэнтр «Точка». Цана спецыяльнай версіі засталася такой жа, як і ў базавай мадэлі — ад 39,9 тысячы беларускіх рублёў.
Тэхнічна ружовы EX2 нічым не адрозніваецца ад класічнай мадэлі: запас ходу складае 395 км, задні прывад і незалежная падвеска. Тэхналогія 1.66C дазваляе зараджаць акумулятар з 30 да 80% за 21 хвіліну.
Сістэма меню Flyme Auto з двума HD-экранамі цалкам на рускай мове і мае «цёплыя опцыі». Агульны аб’ём багажнікаў — каля 1400 літраў (1320 л асноўны трансформер і 70 л пярэдні адсек). За бяспеку адказваюць адаптыўны круіз-кантроль (ACC) і сістэма экстраннага тармажэння (AEB).
Каментары