Сын загінулага вярхоўнага кіраўніка Ірана Алі Хаменеі — 56‑гадовы Сеед Маджтаба Хаменеі — стаў новым Вярхоўным лідарам Ісламскай Рэспублікі. Пра гэта паведамляе дзяржаўнае агенцтва Ірана Fars са спасылкай на Раду экспертаў.
«На сённяшнім надзвычайным пасяджэнні, на падставе вырашальнай большасці галасоў прадстаўнікоў, прызначае і абвяшчае аяталу Сееда Маджтабу Хасейні Хаменеі (хай захоўвае яго Бог) трэцім лідарам святой сістэмы Ісламскай Рэспублікі Іран», — гаворыцца ў паведамленні.
Маджтаба Хаменеі — шыіцкі духоўны дзеяч, які мае значны ўплыў у іранскіх палітыка-рэлігійных колах. На працягу доўгага часу ён займаў важныя пасады ў адміністрацыі вярхоўнага лідара і цесна супрацоўнічаў з Корпусам вартавых ісламскай рэвалюцыі.
Паводле паведамленняў, Рада экспертаў абрала Маджтабу Хаменеі Вярхоўным лідарам 8 сакавіка. Пра тое, што ўдалося дасягнуць згоды па кандыдатуры, раней паведаміў член рады Махамад Мехдзі Мірбагеры.
Актыўны палітык з ідэямі ісламскай рэвалюцыі, больш радыкальны, чым бацька. Хто такі Маджтаба Хаменеі
У сына Хаменеі ёсць элітная нерухомасць у Лондане пад бокам у ізраільскай амбасады
Сын забітага Алі Хаменеі быў паранены падчас адной з атак. Яго прарочаць у новыя Вярхоўныя лідары
Ізраіль будзе лічыць любога новага лідара Ірана «безумоўнай мішэнню для ліквідацыі»
Новым кіраўніком Ірана абралі сына забітага аяталы Хаменеі — іранскія эмігранцкія СМІ
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны1
Каментары