Лукашэнка павіншаваў Маджтабу Хаменеі з абраннем Вярхоўным лідарам Ірана
Аляксандр Лукашэнка ад імя беларускага народа і асабіста павіншаваў Маджтабу Хасэйні Хаменеі з абраннем на найвышэйшую дзяржаўную пасаду — Вярхоўнага лідара і кіраўніка Ісламскай Рэспублікі Іран, паведаміла прэс-служба палітыка.
У віншаванні адзначаецца, што Іран займае асаблівае месца ў гісторыі і цывілізацыйнай спадчыне чалавецтва.
Са слоў Лукашэнкі, новы кіраўнік узначаліў краіну ў вельмі складаных умовах, аднак ёсць упэўненасць, што пад яго кіраўніцтвам Іран будзе працягваць шлях абароны незалежнасці, забеспячэння стабільнага развіцця, захавання духоўнай спадчыны і ўмацавання сваёй ролі на міжнароднай арэне.
Таксама ў віншаванні падкрэсліваецца, што Беларусь і Іран даўно падтрымліваюць трывалыя сяброўскія стасункі, заснаваныя на ўзаемнай павазе і даверы. Беларусь высока ацэньвае партнёрства з Тэгеранам і надае вялікае значэнне далейшаму развіццю кантактаў на ўсіх узроўнях.
На заканчэнне Лукашэнка пажадаў Маджтабу Хасэйні Хаменеі здароўя, мудрасці і поспехаў у яго місіі, а іранскаму народу — міру, мужнасці і адзінства.
Пра абранне 56‑гадовага Маджтабы Хаменеі, сына забітага 28 лютага ў выніку ўдару Ізраіля аяталы Алі Хаменеі, Вярхоўным лідарам Ірана замест бацькі, афіцыйна стала вядома 8 сакавіка позна ўвечары, хоць іранскія эмігранцкія СМІ паведамлялі пра тое, што Рада экспертаў спынілася менавіта на ягонай кандыдатуры, яшчэ 4 сакавіка.
Пуцін ужо павіншаваў Маджтабу Хаменеі, а Лукашэнка не. Чаго чакае?
У Іране праходзіць прысяга новаму лідару Ірана Маджтабе Хаменеі
Трамп незадаволены абраннем Маджтабы Хаменеі
Што вядома пра Маджтабу Хаменеі, якога абралі вярхоўным лідарам Ірана?
Маджтаба Хаменеі афіцыйна стаў Вярхоўным лідарам Ірана
У сына Хаменеі ёсць элітная нерухомасць у Лондане пад бокам у ізраільскай амбасады
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары