Міністр абароны ЗША Піт Хегсэт заявіў, што Злучаныя Штаты і Ізраіль з пачатку сумеснай ваеннай аперацыі нанеслі ўдары больш чым па 15 тысячах аб’ектаў на тэрыторыі Ірана, паведамляе ABC News.
Па словах Піта Хегсэта, у выніку гэтых атак іранскія ўзброеныя сілы значна аслабленыя. Ён сцвярджае, што Іран страчвае сістэмы супрацьпаветранай абароны, а таксама магчымасці вайскова-марскіх і вайскова-паветраных сіл. Акрамя таго, удары накіраваныя на знішчэнне ракет і на спыненне іх далейшай вытворчасці. Пад атакі трапляюць заводы, вытворчыя лініі і цэнтры вайсковых распрацовак.
Хегсэт падкрэсліў, што галоўная мэта аперацыі — спыніць іранскую ядзерную праграму. Ён адзначыў, што ў ЗША ёсць розныя варыянты дзеянняў, у тым ліку да таго моманту, пакуль Іран не адмовіцца ад распрацоўкі ядзернай зброі.
Таксама кіраўнік Пентагона заявіў, што новы вярхоўны лідар Ірана Маджтаба Хаменеі, які змяніў на гэтай пасадзе свайго бацьку Алі Хаменеі, паранены і хаваецца. Паводле яго слоў, у кіраўніцтве Ірана цяпер пануе хаос.
Сумесная аперацыя ЗША і Ізраіля супраць Ірана пачалася 28 лютага. Падчас авіяўдараў быў забіты 86‑гадовы вярхоўны лідар краіны, аятала Алі Хаменеі. У адказ Іран запусціў балістычныя ракеты па Ізраілі, а таксама па шэрагу краін Персідскага заліва, дзе размешчаныя амерыканскія вайсковыя базы.
Раней прэзідэнт ЗША Дональд Трамп заявіў, што вайна можа хутка завяршыцца, бо ў Іране амаль не засталося важных цэляў для ўдараў. Аднак ізраільскія чыноўнікі мяркуюць, што падзенне іранскага рэжыму можа заняць значна больш часу, нават калі асноўная ваенная аперацыя скончыцца раней.
Іранскі рэжым можа быць зрынуты ўжо ў наступны аўторак — эксперт
Трамп заявіў, што новы вярхоўны лідар Ірана жывы, але паранены
ЗША за два тыдні ўдараў па Іране скарысталі запасы, разлічаныя на некалькі гадоў
Трамп паабяцаў моцныя ўдары па Іране на наступным тыдні
Трамп заявіў, што яго больш не цікавіць Нобелеўская прэмія міру
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары