Трамп заклікаў краіны, якія пацярпелі ад закрыцця Армузскага праліва, накіраваць туды вайсковыя караблі
Прэзідэнт ЗША Дональд Трамп заклікаў Кітай, Францыю, Японію, Паўднёвую Карэю, Вялікабрытанію і іншыя краіны накіраваць вайсковыя караблі ў Армузскі праліў, каб ён «перастаў уяўляць пагрозу» з боку Ірана. Пра гэта ён напісаў у сваім паведамленні ў сацсетцы Truth Social 14 сакавіка.
Трамп адзначыў, што Іран можа запускаць дроны або ракеты ў бок праліва. Ён заклікаў краіны, якія пацярпелі ад магчымай блакіроўкі праліва, накіраваць караблі для забеспячэння адкрытасці і бяспекі маршруту.
«Спадзяюся, Кітай, Францыя, Японія, Паўднёвая Карэя, Вялікабрытанія і іншыя краіны, якія пацярпелі ад гэтага штучнага абмежавання, накіруюць караблі ў гэты раён, каб Армузскі праліў перастаў уяўляць пагрозу», — напісаў Трамп.
Пры гэтым прэзідэнт ЗША дадаў, што Амерыка працягне ваенныя дзеянні супраць Ірана і «хутка зробіць» Армузскі праліў бяспечным і свабодным.
Эскалацыя ў рэгіёне прывяла да фактычнага блакавання Армузскага праліва — ключавога маршруту паставак нафты і ЗПГ з краін Персідскага заліва, што адбілася на ўзроўні экспарту і здабычы энергарэсурсаў і прывяло да значнага росту цэн на нафту і газ на сусветных рынках.
На фоне росту цэн ЗША часова знялі санкцыі на продаж расійскай нафты і нафтапрадуктаў, загружаных на судны да 12 сакавіка, але міністр энергетыкі ЗША пры гэтым адзначыў, што абмежаванні супраць расійскай нафты ў цэлым не адмяняюцца.
ЗША атакавалі востраў Харк у Персідскім заліве. Праз яго праходзіць 90% іранскага экспарту нафты
Трамп паабяцаў моцныя ўдары па Іране на наступным тыдні
Трамп адпраўляе на Блізкі Усход 5 тысяч марскіх пехацінцаў
Расія атрымлівае 150 млн даляраў дадатковага даходу ў дзень ад росту цэн на нафту
Мерц рэзка раскрытыкаваў рашэнне ЗША змякчыць санкцыі супраць расійскай нафты
Крэмль пра паслабленне санкцый на нафту: Інтарэсы ЗША і Расіі зблізіліся
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары
Калі і надалей падтрымліваць свавольствы Пуціна-Трампа, то заўтра нафта будзе і па 200 і па 300 і толькі з іхняга дазволу.
Як Ізраіль дбае толькі пра сябе, праігнараваўшы нашыя еўрапейскія каштоўнасці і клопаты, то і ад Еўропы яшчэ на старце атрымаў адказ як з люстэрка - "гэта не нашая вайна".
Ну а Трамп можа не кукарэкаць ў сацсетках, а папрасіць дапамогі напрыклад ў Даніі, маўляў, дапамажыце мне хутчэй выскачыць з Ірана, каб я хутчэй улез у Грынляндыю.