Прэзідэнт Сербіі Аляксандр Вучыч заявіў, што Харватыя, Албанія і Рэспубліка Косава рыхтуюць напад на яго краіну. Ён спаслаўся на трохбаковую дэкларацыю аб супрацоўніцтве ў галіне абароны, падпісаную гэтымі дзяржавамі ў Тыране 18 сакавіка 2025 года. На думку Вучыча, гэты дакумент накіраваны на ўмацаванне вайсковых сувязяў і стварэнне альянсу супраць Сербіі, піша The Moscow Times.
Прэзідэнт Сербіі сцвярджае, што пералічаныя тры краіны чакаюць эскалацыі канфлікту паміж Расіяй і Еўропай, а таксама магчымай вялікай вайны на Блізкім Усходзе, каб дзейнічаць у «сусветным хаосе». Ён таксама заявіў, што Заграб апошнія паўтара года «спрабуе падарваць Сербію і ўмешвацца ў яе ўнутраныя справы».
Што тычыцца ўласных абарончых магчымасцяў, то Вучыч паведаміў, што Сербія валодае кітайскімі гіпергукавымі ракетамі класа «паветра—зямля» з дасяжнасцю да 400 км, назваўшы іх аднымі з самых сучасных сістэм узбраення. Пры гэтым ён падкрэсліў, што Белград падтрымлівае добрыя адносіны з НАТА і прытрымліваецца палітыкі ваеннага нейтралітэту.
Раней, 7 сакавіка, прадстаўляючы нацыянальную стратэгію развіцця, Вучыч папярэджваў пра немінучасць новых і больш сур’ёзных ваенных канфліктаў у свеце. У кастрычніку 2025 года ён таксама адзначаў, што «ўсе рыхтуюцца да вайны, і пытанне толькі ў тым, да якога боку належыць кожны».
Пяскоў панаракаў, што Расія і ЗША не выкарыстоўваюць «бліскучыя перспектывы» супрацоўніцтва, а Еўропа чамусьці ўзбройваецца
Прэзідэнт Сербіі заявіў пра падрыхтоўку Еўропы да вайны з Расіяй
Аляксандр Вучыч выключыў Беларусь са складу Еўропы
Расія страчвае кантроль над Усходняй Еўропай — але размова не пра Беларусь
Брат беларускай каралевы прыгажосці трапіў у рэанімацыю ў Азербайджане4
Каментары