ЗША амаль штодня пагражаюць Кубе звяржэннем урада сілай, але пры найгоршым развіцці падзей любы знешні агрэсар сутыкнецца з непераадольным супрацівам, напісаў у X кубінскі прэзідэнт Мігель Дыяс-Канель.
Ён заявіў пра абуральныя абмежаванні «аслабленай эканомікі, якую яны атакавалі і спрабавалі ізаляваць на працягу больш чым шасці дзесяцігоддзяў».
«Яны маюць намер і абвяшчаюць планы захапіць краіну, яе рэсурсы, маёмасць і нават саму эканоміку, якую імкнуцца задушыць, каб прымусіць нас здацца. Толькі так мы можам растлумачыць жорсткую эканамічную вайну, якая вядзецца як калектыўнае пакаранне супраць усяго насельніцтва», — дадаў Дыяс-Канель.
Паводле даных Axios, дзяржсакратар ЗША Марка Рубіа праводзіць закрытыя кансультацыі з 41‑гадовым Раулем Гільерма Радрыгесам Кастра, які з’яўляецца ўнукам былога прэзідэнта Кубы Рауля Кастра.
9 сакавіка Трамп заявіў журналістам, што Рубіа будзе дамагацца «сяброўскага захопу» вострава Злучанымі Штатамі, але дапусціў і сцэнар з ужываннем ваеннай сілы.
ЗША далі зразумець Гаване, што хацелі б сыходу Дыяса-Канеля. У Вашынгтоне яго лічаць прыхільнікам жорсткай лініі і праціўнікам неабходных структурных рэформаў эканомікі.
Таксама ЗША дамагаюцца адхілення некаторых пажылых чыноўнікаў, якія застаюцца прыхільнікамі ідэй Фідэля Кастра.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы13
Каментары