Расія пачала вясновы наступ на 100‑кіламетровым фронце. Украіна была гатовая
Камандуючы сіламі бяспілотных сістэм (СБС) Роберт «Мадзяр» Броўдзі заявіў пра пачатак маштабнага веснавога наступу расійскіх войскаў, які сутыкнуўся з жорсткім украінскім адпорам.
Расійскія войскі пачалі вясновы наступ на шэрагу ўчасткаў данецкага і запарожскага напрамкаў, выкарыстаўшы туман і непагадзь як прыкрыццё для штурмаў, заявіў Роберт Броўдзі.
Паводле яго слоў, за паўтара сутак на адрэзку фронту ад Родзінскага да Гуляйполя расійскі бок страціў больш за 900 чалавек і не здолеў прасунуцца ні на адным з участкаў.
Броўдзі звязаў наступ не толькі з пагаршэннем надвор’я, але і з загадзя падрыхтаваным стартам вяснова-летняй кампаніі з боку Расіі.
Расійскія сілы пайшлі ў атакі пад прыкрыццём туману, які трымаўся некалькі дзён. Асноўны націск, як сцвярджае Броўдзі, адбыўся на світанні 17 сакавіка, калі ў бой адначасова рушылі пяхота, матацыклы, бранятэхніка і нават коні. Паводле ацэнкі Броўдзі, толькі за 17 сакавіка страты расійскага боку на гэтым участку склалі больш за 500 чалавек забітымі і параненымі.
Баявыя дзеянні працягнуліся і на наступны дзень, бо туман не рассеяўся. Паводле Мадзяра, па стане на поўдзень 18 сакавіка расійскія страты павялічыліся яшчэ і сукупна за паўтара сутак перавысілі 900 чалавек.
«Вяснова-летні наступ будзем лічыць часткова раскаркаваным», — піша Броўдзі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары