У ЗША плануюць выпусціць юбілейную залатую манету з выявай Дональда Трампа. Рашэнне было аднагалосна падтрымана Федэральнай камісіяй мастацтва, піша Руская служба Бі-бі-сі.
Манета будзе 24‑каратнай і прымеркаваная да 250‑годдзя ЗША, якое адзначаць 4 ліпеня. На ёй Трамп выяўлены, абапіраючыся кулакамі на стол. Эскіз падрыхтаваў Манетны двор краіны.
Звычайна амерыканскае заканадаўства забараняе змяшчаць выявы дзейнага прэзідэнта на грашах. Аднак у гэтым выпадку выкарыстаюць спецыяльнае выключэнне: міністр фінансаў мае права выпускаць так званыя пробныя залатыя манеты і сам вызначаць іх дызайн.
Чакаецца, што міністр фінансаў Скот Бесент загадае адчаканіць манету, як толькі Манетны двор ЗША вызначыць канчатковыя яе памеры. Яе прапануецца зрабіць вялікай — значна большай за звычайныя манеты.
«Я прапаную зацвердзіць гэту [манету] без змен, і я настойліва рэкамендую зрабіць яе як мага большай, — аж да трох дзюймаў у дыяметры», — заявіў намеснік старшыні камісіі Джэймс Макрэры.
Раней Трамп змяніў склад Федэральнай камісіі па мастацтве, прызначыўшы туды сваіх прыхільнікаў. Хоць у Кангрэсе і прапаноўвалі закон, які б забараняў такія рашэнні, яго не прынялі.
Да гэтага часу толькі адзін прэзідэнт ЗША з’яўляўся на манеце пры жыцці — Калвін Кулідж, які кіраваў краінай у 1923‑1929 гадах.
Лукашэнка чарговы раз пахваліў Трампа: Гэта ў добрым сэнсе слова акцёр, а яшчэ бізнэсмен, журналіст, эканаміст і крыху палітык
Трамп заявіў, што яго больш не цікавіць Нобелеўская прэмія міру
Такаеў прапанаваў Радзе міру заснаваць прэмію імя Трампа
Трамп заявіў, што больш не абавязаны думаць пра мір, бо яму не ўручылі Нобелеўскую прэмію міру
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары
грошы толькі мн. НВ грошы, грошай, грашам, грашамі (-шыма), грашах[Рэд. — Дзякуй, выправiлi]
[Зрэдагавана]