У 2025 годзе пасля візіту амерыканскіх дыпламатаў у Мінск на волю выйшлі некалькі груп беларускіх палітвязняў. Пры праверцы па сэрвісах МУС высветлілася, што ў некаторых з іх беларускія пашпарты сталі несапраўднымі.
У многіх людзей, якіх вызвалілі падчас абмену ў верасні і снежні і якім аддалі іх дакументы, беларускія пашпарты паказаныя ў сістэме МУС як «несапраўдныя». Вось як гэта выглядае:
Гэта значыць, што іх анулявалі.
Што гэта змяняе на практыцы
Цяпер беларускі пашпарт немагчыма выкарыстаць ні для ідэнтыфікацыі ў польскіх банках, ні для заключэння дамоваў, ні для перасячэння мяжы. Да таго ж, усе беларускія рахункі і іншыя акаўнты, завязаныя на пашпарт (е-паслуга, сім-карты і г.д.) аўтаматычна будуць заблакаваныя.
Пакуль ідзе разгляд заявы на бежанства ці на гуманітарны дазвол на жыхарства, чалавек не мае на руках еўрапейскага праязнога дакумента. Ануляванне беларускага пашпарта азначае, што звесткі пра яго несапраўднасць з вялікай імавернасцю ўжо перададзеныя ў міжнародныя базы, такія як база скрадзеных і згубленых дакументаў Інтэрпола (SLTD).
Гэта робіць немагчымым перасячэнне межаў нават унутры Шэнгенскай зоны, калі ў чалавека ўжо ёсць віза ці іншы спосаб легалізацыі ў ЕС.
Паўнавартасна падарожнічаць вызваленыя змогуць толькі пасля таго, як польскія ці літоўскія ўлады задаволяць іх заявы і выдадуць Жэнеўскія пашпарты ці праязныя дакументы іншаземца (у выпадку, калі замест бежанства яны атрымаюць дадатковую абарону ці гуманітарны дазвол на жыхарства).
Акрамя таго, калі раней у іх была магчымасць падарожнічаць у краіны, у якія не патрэбная віза з беларускім пашпартам, то цяпер гэта стане немагчыма.
Больш за тое, толькі з Жэнеўскім пашпартам ці праязным дакументам іншаземца вельмі складана наведаць краіны, якія не падпісалі канвенцыю аб бежанцах 1951 года, напрыклад, краіны Персідскага заліва (ААЭ, Катар і іншыя) і некаторыя краіны Азіі (Індыя, В'етнам, Інданезія, Тайланд, Малазія, Манголія). Праблемай могуць стаць і рэйсы з перасадкамі ў гэтых краінах.
Ці пазбаўленыя вызваленыя палітвязні грамадзянства?
Не. Можна было б падумаць, што несапраўдны пашпарт аўтаматычна азначае страту грамадзянства, але гэта зусім розныя рэчы.
Нават паводле рэпрэсіўных правак 2023 года ў закон «Аб грамадзянстве», каб пазбавіць грамадзянства беларуса па нараджэнні, патрэбны завочны прысуд і факт «ухілення ад выканання пакарання» за мяжой. Палітвязні пад гэтыя крытэры не трапляюць: іх судзілі вочна, яны фізічна знаходзіліся ў зняволенні і былі вызваленыя ўладамі.
«Наша Нiва» — бастыён беларушчыны
ПАДТРЫМАЦЬ
У гарах Кыргызстана з дрона адшукалі целы зніклых беларускіх альпіністаў8
Каментары
но меня бесит европейская "поддержка" больше на словах, чем на деле.
освобожденные ждут хоть какие-то доки по 2-3-4 месяца. хотя этот вопрос решаем за неделю. это не тысячи беженцев с непонятным прошлым и бекграундом. это совершенно понятные люди. принять решение о выдаче можно в течение суток, а неделя на чисто техническое изготовление..
но нет.. они мурыжат долго и нудно каждого.
вот такая вот славная "солидарность". вы или тогда молчите, или если заявляете поддержку, то показывайте её хотябы по документам..