Mak.by не сам прыдумаў замену «амерыкана», а купіў ужо гатовы брэнд
Як высветліў партал «Белорусы и рынок», таварны знак «Наша кава», які стаў «забойцам» амерыкана, уладальнікі Mak.by набылі ў заснавальніка аднайменнай гродзенскай кавярні Дзмітрыя Захаркі. Адпаведная дамова пра «частковую саступку» таварнага знака ў пачатку красавіка была зарэгістраваная ў Нацыянальным цэнтры інтэлектуальнай уласнасці.
Згодна з базай НЦІУ, з бягучага месяца ў таварнага знака «Наша кава» два ўладальнікі. Першым з іх застаўся (да верасня 2035 года) Дзмітрый Захарка. Другім стала таксама да гэтага тэрміну Гандлёва-вытворчае ўнітарнае прадпрыемства «Мак.Бай».
Розніца, праўда, у іх усё ж ёсць — па класах тавараў і паслуг (МКПТ). Дзмітрый Захарка захаваў правы на таварны знак па класе 45 — паслугі бараў, кавярняў, рэстаранаў і іншыя. А «Мак бай» — уласнік ідэнтычнага таварнага знака па класе 30 — самой кавы.
Дзмітрый Захарка — вядомая фігура ў кававым бізнэсе Беларусі. Па-першае, ён заснавальнік адной з самых знакавых кавярняў Гродна «Наша кава». Па-другое, у яго доля ў буйным мінскім брэндзе — пражання кавы Single Step Coffee Co.
Ідэю ўладальнікам Mak.by замяніць «амерыкана» на штосьці сваё айчыннае падкінуў падчас наведвання адной з устаноў сеткі Аляксандр Лукашэнка. У выніку «амерыкана» ў меню рэстаранаў трансфармавалася ў «Нашу каву».
У рэстаране «Мак.бай» на загад Лукашэнкі перайменавалі амерыкана. Як назвалі?
У Мак.бай ужо выбіраюць новую назву для амерыкана
Усіх супрацоўнікаў Mak.by пераабуюць у лідскія кеды
Пры наведванні Лукашэнкам Мак.бай не абышлося без Умкі на стале ФОТАФАКТ
Стала вядома, хто распрацаваў софт для тэрмінала, які адмовіўся абслугоўваць Лукашэнку
Цяпер чытаюць
Анжаліку Мельнікаву бачылі ў Мінску ў «Дана Моле»24
Каментары
яны што - каву вырошчваюць?