Раней можна было атрымаць альбо крымінальную адказнасць за гібель жывёлы — альбо нічога.
У Беларусі ўводзіцца адміністрацыйная адказнасць за жорсткае абыходжанне з жывёламі і, асобна, за іх выкідванне. Да гэтага падобныя дзеянні маглі падпадаць толькі пад крымінальны артыкул — і то ў выпадках, калі яны прыводзілі да гібелі або калецтва жывёлы.
Раней дзейнічаў толькі артыкул 339¹ Крымінальнага кодэкса, які прадугледжваў пакаранне за жорсткае абыходжанне з жывёлай, калі гэта прывяло да яе смерці або калецтва. За гэта маглі прызначыць арышт або хімію да двух гадоў, а пры паўторнасці або групавых дзеяннях — да чатырох гадоў хіміі ці калоніі.
Цяпер жа ў Кодэкс аб адміністрацыйных правапарушэннях уводзіцца артыкул 19.14, які ахоплівае больш шырокае кола сітуацый:
— за жорсткае абыходжанне з жывёлай без наступстваў у выглядзе гібелі або калецтва прадугледжаны штраф да 15 базавых велічынь (сёння базавая — 45 рублёў).
— за выкідванне жывёлы — штраф ад 10 да 30 базавых велічынь.
— за жорсткае абыходжанне, якое выражаецца ў катаванні або прывяло да гібелі ці калецтва, — штраф ад 20 да 30 базавых, або грамадскія работы, або арышт да 15 сутак.
Што такое «выкідванне жывёлы»? Гэта фактычнае пакіданне гадаванца, а таксама непадача заявы аб знікненні зарэгістраванай жывёлы цягам трох дзён.
Такім чынам, улады фактычна запаўняюць прамежак паміж адсутнасцю адказнасці і крымінальным пераследам — і ўпершыню ўводзяць асобнае пакаранне за сам факт выкідвання хатніх жывёл.
Новая норма запрацуе праз два месяцы.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Кошачьи и собачьи приюты создавать надо как за Бугом... И государство обязано помочь, а не спаивать Беларусов и тратить деньги на войну в Украине.
- Свойскія жывёлы — гэта віды, якія былі прыручаны чалавекам шмат стагоддзяў таму і жывуць з ім на працягу многіх пакаленняў. Яны прыносяць практычную карысць (харчаванне, сыравіна, дапамога ў працы). Да іх адносяцца каровы, коні, авечкі, свінні, а таксама куры ці гусі. Як адзначае рэсурс Vallalar.Net, такіх жывёл неабходна карміць і даглядаць для забеспячэння патрэб гаспадаркі.
- Хатнія жывёлы (або хатнія гадаванцы) — гэта жывёлы, якія жывуць непасрэдна ў памяшканні з чалавекам (кватэры ці хаце) пераважна для задавальнення, кампаніі або эмацыйнай падтрымкі. Сюды адносяць катоў, сабак, папугаяў, хамякоў і дэкаратыўных рыб.