Беларускія памежнікі навучылі сімпатычную расіянку правільна называць нашу краіну. А тая моцна пакрыўдзілася
Афіцыйны акаўнт памежнай службы Беларусі параіў гасцям краіны запомніць правільную назву — Беларусь, а не Белоруссія. Што тут пачалося…
Першапачатковы допіс быў прысвечаны таму, быццам чалавеку на мяжы «Белоруссіі» анулявалі расійскі пашпарт. У якасці доказаў быў і здымак дакументу са штампам «Анулявана».
Тлумачыць сітуацыю ў каментары прыйшоў афіцыйны акаўнт памежнай службы Беларусі: «Памежная тлумачальная брыгада прыехала: памежная служба не займаецца ануляваннем пашпартоў. Калі б былі нейкія праблемы з дакументам, то мы б яго проста забралі.
І калі ўжо вы ў нас у гасцях, нагадаем, што правільна называць нашу дзяржаву — Рэспубліка Беларусь ці Беларусь».
Каментар памежнікаў набраў больш за тысячу лайкаў. Але расіяне ў каментарах ашалелі. Пайшоў тыповы набор аргументаў: напрыклад, пра Германію, якую па-руску ніхто Дойчландам не называе. І песню «Песняроў», канечне, згадалі.
Асабліва моцна пакрыўдзілася расіянка Аляксандра Мелякова. Яна прызналася, што раней лічыла: каментары пра нелюбоў беларусаў да расіян пішуць толькі боты. Але пабачыўшы каментар у «павучальна-саркастычным» тоне ад памежнай службы, моцна пакрыўдзілася.
Кажа, раней чула пра Беларусь шмат добрага і хацела туды з'ездзіць, але цяпер будзе вандраваць па радзіме ці іншых краінах, дзе яе «не вучаць, як размаўляць на сваёй мове». Беларусы ў каментарах радуюцца такому рашэнню. А Аляксандра не лянуецца назваць кожнага ботам.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
[Зрэдагавана]