Літоўскі дзеяч пагражаў выслаць Ціханоўскіх у Мінск. А ў выніку ўцёк у Беларусь сам
Не раз судзімы, у тым ліку за гвалт і фінансавыя злачынствы, літовец Антанас Кандротас-Цэлафанас паехаў у Беларусь. Ён ужо даў інтэрв'ю прапагандыстам.
«Істэрыя ў Літве»: вядомы літоўскі палітык Антанас Кандротас прыехаў у Беларусь і распавёў усю праўду пра цкаванне на радзіме» — так назвалі гутарку на Беларусь-4.
Кандротас-Цэлафанас расказаў пра гаротнае становішча ў Літве, катастрафічныя наступствы ад санкцый супраць Беларусі, і вядома, што Літве не хапае лукашэнкаўскай дыктатуры.
«У Беларусі выратаваўся ад пераследу яшчэ адзін палітычны ўцякач з Прыбалтыкі», — заяўляюць прапагандысты.
Яны пішуць, што Кандротаса «эвакуявалі» з Літвы. «Кандротасу ўдалося эвакуявацца з «райскага саду». У Беларусі свабодны чалавек даў сваё першае інтэрв'ю без цэнзуры і аглядкі», — нагнятаюць яны.
Кандротаса-Цэлафанаса судзілі за цэлы шэраг крымінальных і адміністрацыйных правапарушэнняў.
Яго крымінальная біяграфія ўключае фінансавыя махінацыі, а таксама неаднаразовыя выпадкі хуліганства і гвалту, сярод якіх напад на грамадскага актывіста ў публічным месцы. Асобны пласт судовых спраў тычыцца распальвання нянавісці і публічных абраз на адрас палітыкаў і прадстаўнікоў ЛГБТ-супольнасці.
Кандротас выступаў супраць беларусаў у Літве, абражаў Ціханоўскіх, Сяргея абазваў «бульбашом», прапанаваў яму пакінуць Літву разам з жонкай. Пагражаў таксама «ўпакаваць» абаіх лідараў апазіцыі і на экспрэсе выслаць у Мінск.
На момант уцёкаў у Беларусь Кандротас меў прысуд да рэальнага зняволення, які яшчэ не ўступіў у законную сілу праз працэсы апеляцыі. Гэта справа аб беспарадках каля Сейма ў 2021 годзе.
У дачыненні да Кандротаса-Цэлафанаса дзейнічае мера стрымання — пісьмовае абавязацельства не пакідаць краіну.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары