«У гэты дзень не спала ўся краіна». У Докшыцах з помпай адкрылі аўтамыйню
Відэа з урачыстым адкрыццём аўтамыйні самаабслугоўвання ў Докшыцах абляцела сацсеткі. У каментарах жартуюць пра «новую дату ў гісторыі краіны».
TikTok-акаўнт Докшыцкага раённага выдання «Родныя вытокі» апублікаваў ролік, у якім паказаў урачыстае адкрыццё аўтамыйкі самаабслугоўвання ў горадзе. Яно выклікала бурную рэакцыю ў карыстальнікаў, заўважыла BGmedia.
Аўтамыйня «Аліта» была адкрытая 1 мая. З нагоды яе адкрыцця ў горадзе зладзілі святочную падзею. Каля новага месца маладзёны стварылі сапраўднае шоу: з танцамі і гучнай музыкай, прадэманстраваўшы навыкі харэаграфіі. «Імпрэзу» наведалі сем’і з дзецьмі — не абышлося і без афіцыйных асоб, што працуюць у мясцовым райвыканкаме.
Як на ролік адрэагавалі ў сацсетках
Відэаролік па-сапраўднаму «завірусіўся» ў TikTok: ён набраў больш за 123 тысячы падабаек, а таксама 1.7 мільён праглядаў — незвычайна добры вынік для раённага медыя.
Аднак, зыходзячы з каментароў пад ролікам, многія карыстальнікі палічылі «імпрэзу» смешнай і несур’ёзнай.
На меркаванне некаторых людзей, сітуацыя выглядае абсурднай: яны не маглі стрымаць сваёй іроніі.
«Зноў новую дату ў гісторыі вучыць».
«У гэты дзень не спала ўся краіна».
«Пачалася ў калгасе раніца».
«А дзе Лукашэнка?»
«Святкаваць звычайную аўтамыйню? Гэта ж дзе трэба жыць што б такое святкаваць».
«Гэта ж што будзе падчас адкрыцця звычайнай лавачкі?»
Іншыя каментатары пажартавалі, што гэтая ўрачыстасць — падрыхтоўка для канцэртаў сусветных зорак, такіх як Трэвіс Скот, Джасцін Бібер ці Канье Уэст і іншых.
«А чаму Чарлі xcx не паклікалі, мінулым разам добра ж выступіла».
«Гэта разагрэў перад Трэвісам».
«Джасцін Бібер пазней пад’едзе».
«Канье выступае наступным».
«50 cent мусіў яшчэ прыехаць!».
Знайшліся і тыя, хто задумаўся пра будучыню такіх прадпрыемстваў:
«Аўматыйня закрыецца праз паўгода з-за стратнасці».
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Мдаааааа........