Жонка загінулага беларускага добраахвотніка патрабуе змяніць закон пра званне «Герой Украіны», якім нельга ўзнагародзіць замежнікаў
Удава байца палка Каліноўскага Аляксея Лазарава звярнулася да прэзідэнта Украіны Уладзіміра Зяленскага з заклікам даць замежным добраахвотнікам права атрымліваць найвышэйшую дзяржаўную ўзнагароду Украіны. Яна апублікавала адпаведную петыцыю, якую просіць падпісаць.
Жанчына патрабуе ад Вярхоўнай Рады і Уладзіміра Зяленскага ліквідаваць заканадаўчую няроўнасць, якая дазваляе прысвойваць званне Героя Украіны выключна грамадзянам краіны, пакідаючы за бортам замежнікаў, якія аддалі жыццё за яе незалежнасць краіны.
На старонцы свайго загінулага мужа ў X жанчына апублікавала эмацыйны зварот.
«Мой муж ніколі не чакаў удзячнасці. Ён быў ідэйным, паслядоўным у сваіх поглядах, але яго заўсёды хвалявала несправядлівасць. Я хачу дамагчыся таго, каб у замежных добраахвотнікаў, якія ваююць за незалежнасць Украіны з 2014 года, было права атрымліваць званне «Героя Украіны».
Бо яны гэтага заслугоўваюць. Гэта не пра асаблівае стаўленне, гэта пра роўнасць у гэтым пытанні. Законапраект аб зменах у заканадаўстве быў унесены яшчэ ў 2022 годзе. Але ён так і застаўся без увагі», — піша яна.
Яна дадае, што для яе няма значэння, ці дадуць ейнаму мужу званне «Героя Украіны» — «яму, напэўна, і было б прыемна, але гэта ніколі не было яго мэтай».
Паводле слоў жанчыны, замежнікі маглі б жыць сваім лепшым жыццём у іншых краінах, але абралі барацьбу за справядлівасць і праўду, і многія — цаною ўласнага жыцця. Але яны абралі змагацца. І многія аддалі за гэта ўсё, бо аддалі сваё жыццё.
Петыцыю, якую апублікавалі сёння, падпісаў 91 чалавек з неабходных 25 тысяч.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»31
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
ну что Вам непонятно:
Герой України:
які пільги передбачає закон:
- житло від держави
- безкоштовне лікування у медзакладах усіх типів (в тому числі й для членів родини — дружини/чоловіка та дітей до 18 років)
- можливість не платити за оренду квартири та комунальні послуги
- першочергове покращення житлових умов, коли житло надають у будинках державного чи громадського житлового фонду
- пільги зі сплати податків, зборів, мита та інших платежів до бюджету відповідно до податкового та митного законодавства.
И многое другое.