Ціханоўская, Бабарыка і Калеснікава разам спелі на 75‑годдзі Уладзіміра Цэслера
У сацыяльных сетках Святланы Ціханоўскай з’явілася відэа, на якім лідарка дэмакратычных сіл разам з Віктарам Бабарыкам і Марыяй Калеснікавай выканалі песню «Happy Birthday to you» для мастака Уладзіміра Цэслера. Яму 30 красавіка споўнілася 75 гадоў.
Сустрэча палітыкаў, якія сталі сімваламі пратэстаў 2020 года, імаверна, адбылася на Кіпры, дзе цяпер і жыве выбітны беларускі дызайнер і мастак Уладзімір Цэслер.
«Віншавалі нашага даражэнькага Уладзіміра Цэслера з юбілеем!» — напісала Ціханоўская.
Яна таксама падарыла Цэслеру ягоны партрэт, аўтарам якога стала беларуская мастачка Валерыя Лосікава.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
Каментары