«Нешта ў грыбы сёлета расхацелася». Пад Барысавам на полі пабачылі адразу пяць мядзведзяў
Такую карціну засведчыў адзін з беларусаў і падзяліўся відэа ў сацсетках. Ролік ужо разышоўся па пабліках, і многія каментатары ўстрывожыліся не на жарт, заўважыла выданне «МогилевОнлайн».
«Гэта ж… зграя?.. Табун?.. Як называецца такая колькасць мядзведзяў?» — здзівіўся нехта ў Threads.
«Нешта іх занадта шмат стала. Можа, пара нешта з гэтым рабіць? Ці дачакаемся, пакуль каго-небудзь яны разарвуць…» — выказаў асцярогі іншы карыстальнік.
У каментарыях знайшліся тыя, хто пацвердзіў, што колькасць мядзведзяў у гэтым раёне сапраўды стала заўважнай.
Так, напрыклад, адзін чалавек прызнаўся, што бачыў адразу трох дарослых мядзведзяў каля вёскі Неманіца напярэдадні, а яшчэ адзін мясцовы жыхар адрапартаваў пра тое, што бачыў мядзведзя побач з вёскай Новае Янчына, прычым за паўкіламетра ад аўтамабіля (гэта ўсё таксама ў Барысаўскім раёне).
Іншыя карыстальнікі паказалі і расказалі, што сустракаюць мядзведзяў на Віцебшчыне і ў іншых абласцях і раёнах Беларусі.
«Нешта па грыбы сёлета расхацелася: то кляшчы, то мядзведзі. Добрыя навіны ёсць?» — пакінуў каментарый яшчэ адзін беларус.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку23
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
пэйсэ. вас яшчэ не спыталася, што мне рабіць. можа хопіць загадваць мне, мужыкі?