Гурт Nochy прэзентаваў новы беларускамоўны альбом — у 14 трэках змяшаліся індзі-поп, электра-рок і рэп
Шматжанравы альбом «Надоўга» ствараўся амаль дзевяць месяцаў і ён цалкам спрадзюсаваны самімі музыкамі — вакалісткай і кампазітаркай Юліяй і саўнд-прадзюсарам Пашам.
Кожны трэк у альбоме — асобны стан, але разам яны складаюцца ў цэльную гісторыю пра трывогу, чаканне, злосць, пяшчоту і ўнутранае напружанне.
У альбом увайшлі як новыя трэкі, так і ранейшыя, у тым ліку дуэты з Сяргеем Leibonik Башлыкевічам («Бяда») і Настассяй Рыдлеўскай («Купальскай ноччу»).
Музычна альбом вельмі разнастайны — здаецца, кожны знойдзе тут хоць адзін трэк на свой густ: электронную адчайную песню «Столь», рэчытатыўную «Бяду» ці лірычную «Вечар».
«Наша творчасць — гэта сумесь танцавальных песень і атмасфернай лірыкі. У нас няма жадання ўпісвацца ў строгія жанравыя рамкі», — адзначаюць музыкі.
З 15 мая альбом «Надоўга» даступны на ўсіх асноўных музычных пляцоўках.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
Якая дзіўная назва - "Нохы"...