Коля Лукашэнка на вучэннях быў у форме Службы бяспекі прэзідэнта
У форме аховы свайго бацькі ён паказваецца не першы раз.
На сумеснай трэніроўцы ядзерных сіл Беларусі і Расіі разам з Аляксандрам Лукашэнкам прысутнічаў ягоны малодшы сын Коля. Той быў адзеты ў вайсковую форму з шаўронам Службы бяспекі прэзідэнта на плячы. На фота выглядае, нібыта Коля ахоўвае бацьку.
У адзенні з эмблемай Службы бяспекі Лукашэнка-малодшы з'яўляўся і раней. Напрыклад, у 2024 годзе падчас візіту ў Манголію — ён быў у фірмовай майцы колеру хакі.
Ці не працуе Коля ў Службе бяспекі бацькі? Такое пытанне выклікае не толькі яго адзенне, але і паводзіны падчас некаторых паездак Лукашэнкі-старэйшага, калі Коля разам з іншымі ахоўнікамі ідзе за ім ззаду, азіраючыся.
«Сын Аляксандра Лукашэнкі Мікалай быў бліжэй да супрацоўнікаў службы бяспекі, чым да журналістаў», — заўважаў летапісец Пуціна Андрэй Калеснікаў з расійскага «Камерсанта», калі ў 2025‑м Лукашэнка прыехаў на перамовы да Пуціна ў Крэмль.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары