Франак Вячорка расказаў, што яму ўдалося прагаласаваць на выбарах у КР толькі з сёмага-дзясятага разу
У выбарах у Каардынацыйную раду IV склікання ўзялі ўдзел 2113 чалавек — утрая менш, чым у мінулы раз. «Белсат» пацікавіўся ў Франака Вячоркі, галоўнага дарадцы Ціханоўскай, як ён ацэньвае вынікі галасавання і за каго сам галасаваў на выбарах.
На думку ж Францішка Вячоркі, «добра, што іх правялі, ёсць пераемнасць». Ён адзначае, што шмат новых людзей трапіла ў склад, а прайшлі ажно восем спісаў.
«Кепска, што мала людзей галасавалі, вельмі неспрыяльны час. На фоне рэпрэсіяў і агульнай стомленасці, ці магло быць інакш? Думаю, прадказальна», — кажа ён.
Пацікавіліся ў галоўнага дарадцы Ціханоўскай, за каго ён галасаваў на выбарах, але той не прызнаўся:
«Не скажу за каго, але са спробы сёмай-дзясятай атрымалася. Мабыць, толькі самыя ўпартыя дайшлі да канца. Калі б мэта была набіць яўку, арганізатары маглі б усё зрабіць значна прасцей, а тут відавочна — стаўка была зробленая на якасць і на бяспеку».
Тым, хто ўважае, што нізкая яўка на выбары ў Каардынацыйную раду — гэта правал дэмакратычных сілаў або Ціханоўскай, якая падтрымала іх, Вячорка адказвае так:
«Каардынацыйная рада ўсё ж незалежная інстытуцыя, і Офіс ці тым больш Ціханоўская да арганізацыі дачынення не мае. Але наша задача — падтрымліваць дэмакратычны працэс, мы падтрымліваем выбары, і ўсе інстытуты, гэта ўсё робіць нас мацнейшымі. Адзін за ўсіх і ўсе за аднаго як кажуць».
Як цяпер быць з Каардынацыйнай радай і ці трэба праводзіць рэформы — дарадца кажа, што вырашаць самой Радзе.
«Мы віншуем усіх, хто прайшоў у склад. Я сапраўды цешуся, што будзе прадстаўлена такая шырокая палітра поглядаў, розныя групы. Я згодны, што патрэбна рэформа, бо людзі не разумеюць функцыянал, не разумеюць «навошта». Трэба больш уключэння грамадзянскай супольнасці, лепшы сакратарыят. І неяк ажывіць працу: бо апошнія гады супрацы, мне здалося, што КР надта павольная, шмат якія ініцыятывы месяцамі абмяркоўваліся, а дзейнічаць трэба хутка», — патлумачыў ён.
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Няясна, што ў яго не атрымалася. Здаецца, размова не пра паломкі сэрвісу, якія адбываліся з-за перагрузкі сеткавай атакай.
Значыць, пытанне да нейкай складанасці, якая, на ягоную думку, дзеля якасці і бяспекі.
І што гэта канкрэтна?
З іншых водгукаў вядома пра адну недарэчнасць: на стартавым экране было няясна, куды ціснуць, каб трапіць далей да выбараў. Спасылку трэба было неяк выдзеліць, звычным для web спосабам.
Калі гэта адно, то астатнія 6-9 нязручнасцей што?
Як разумею, стваральнікі рашэння з удзячнасцю б атрымалі зваротную сувязь па сутнасці. Дзе знаходзішся і ў чым складанасць. Але не вось такія агульныя словы.
Калі паразважаць тэхнічна і лагічна, то немагчыма прыдумаць архітэктурна больш простае рашэнне, каб яно яшчэ і не дазваляла накрутак.
Тут павага камандзе.
Але, паўтару, "не простая працэдура" і "працэдура, якая можа заблытаць карыстальніка на 7-10 этапах" - рознае.