Расія хоча адправіць 100 тысяч армян у Арменію, каб яны прагаласавалі на парламенцкіх выбарах супраць Пашыняна
Армянам не дазваляецца галасаваць на выбарах з-за мяжы.
Расійскія чыноўнікі ў апошнія месяцы абмяркоўвалі адпраўку армян, якія жывуць у Расіі, для галасавання за апанентаў Пашыняна на парламенцкіх выбарах, што павінны прайсці 7 чэрвеня, паведамілі пяць крыніц Reuters.com.
Армяне складаюць вялікую сусветную дыяспару, у тым ліку насельніцтва ў Расіі, якое, паводле некаторых ацэнак, перавышае 2 мільёны чалавек. Пры гэтым армянам не дазваляецца галасаваць на выбарах з-за мяжы.
Адна крыніца — высокапастаўлены амерыканскі чыноўнік — заявіла, што ў разведвальнай супольнасці ідуць спрэчкі наконт таго, колькі людзей Масква рэальна зможа перавезці. Аднак, паводле яго слоў, спецслужбы ўспрымаюць гэтую ідэю сур’ёзна. Армяне рэгулярна перамяшчаюцца паміж дзвюма краінамі, а штодня выконваюцца дзясяткі авіярэйсаў.
Паводле трох крыніц, расійскія ўлады ацанілі кошт перавозкі 100 тысяч выбарцаў прыкладна ў $50 млн. Да сярэдзіны мая Крэмль нібыта вызначыў квоты для кожнага рэгіёна па колькасці армян, якіх трэба адправіць, і запатрабаваў ад мясцовых адміністратараў справаздачы аб падрыхтоўцы.
Reuters не ўдалося ўстанавіць, ці рэалізуецца такі план на практыцы і ці змог бы ён скараціць вялікі разрыў паміж лідарамі выбарчай гонкі.
Паводле апытання, праведзенага раней у гэтым месяцы, партыя Нікола Пашыняна «Грамадзянская дамова» павінна заняць першае месца прыкладна з 30% галасоў.
Партыя «Моцная Арменія» Самвела Карапецяна, паводле таго ж апытання, набірае каля 6% і значна адстае ва ўмовах высокай канкурэнцыі.
Пашынян прыйшоў да ўлады ў 2018 годзе пасля пратэстаў, якія зрынулі яго прарасійскага папярэдніка.
У жніўні 2025 года Пашынян заключыў пры пасярэдніцтве ЗША мірнае пагадненне, закліканае завяршыць шматгадовы канфлікт паміж Арменіяй і Азербайджанам вакол спрэчнага рэгіёна. Здзелка прадугледжвае адкрыццё транспартнага маршруту праз поўдзень Арменіі, што дазволіць таварам рухацца на ўсход у бок Цэнтральнай Азіі, а Азербайджан атрымае прамы доступ да свайго эксклава Нахічэвань і да Турцыі.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў13
Каментары
Это, - те же русские со знаком качества от путина.
В Беларуси с этим проблем нет, в тех же русских со знаком качества от путина и лукашенко превращены 30% беларусов !
И никого отправлять не надо, всегда голосуют как надо путину и России, да ещё выступают в роли карателей по отношению к оставшимся 70%, ещё продолжающим считать себя беларусами в Беларуси, проводя репрессии в интересах путина, русского мира и лукашенко....