Лукашэнка пра трагедыю з аўтобусам у Бранску: Гэта ўкраінскі беспілотнік
«Мы не спяшаемся рабіць нейкія высновы, але дакладна канстатуем факт, што гэта беспілотнік украінскага паходжання».
Дрон, які атакаваў аўтобус з беларускімі грамадзянамі, у тым ліку дзецьмі, у Бранскай вобласці, мае ўкраінскае паходжанне, заявіў сёння Лукашэнка на нарадзе з вайскоўцамі, піша БелТА.
«Мы не спяшаемся рабіць нейкія высновы, але дакладна канстатуем факт, што гэта беспілотнік украінскага паходжання. Гэта ўкраінскі беспілотнік», — заявіў ён пасля дня маўчання.
Аляксандр Лукашэнка паведаміў, што ўкраінскі бок адказаў на прэтэнзіі, заявіўшы, што такія беспілотнікі могуць набываць розныя асобы.
«Гэта значыць, што не мы (так сцвярджае ўкраінскі бок), гэта нехта купіў, а магчыма, гэта нейкая правакацыя, аж да таго, што падобны ўдар нібыта нанеслі самі расіяне, — расказаў ён пра адказ з боку Украіны. — Але некаторыя рэчы ўжо сёння вядомыя. Яны кажуць, што ў гэты час удары па Бранскай вобласці не наносіліся. Аднак той жа кіроўца аўтобуса сцвярджае, што асабіста бачыў (і, напэўна, не толькі ён — следства гэта пакажа) не адзін дрон, а некалькі, якія, паводле яго слоў, гулі і ляталі над аўтобусам».
«Адзін з гэтых дронаў, дзякуй Богу, не вельмі магутны, ударыў у аўтобус. У выніку загінуў чалавек і пацярпелі нашы дзеці», — адзначыў ён.
«Такім чынам, канспіралагічных версій тут дастаткова», — заўважыў Лукашэнка.
«Калі нас хтосьці правакуе і спрабуе ўцягнуць у вайну, думаю, што гэта дрэнна абыдзецца тым, хто спрабуе гэта зрабіць.
Мы сябе паводзім спакойна. Камусьці не падабаецца, што Беларусь спакойная дзяржава, таму гэта ўсё адбываецца. Мы чуем заявы, апраўданні, версіі розныя. Але нам патрэбна ісціна.
І мы чакаем гэтай праўды ці рэальнага, справядлівага, сумленнага адказу ад украінскіх дзяржаўных службоўцаў і вайскоўцаў, і людзей. Мы ўсё роўна даведаемся праўду, гэта не будзе вялікай праблемай», — заявіў Лукашэнка.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары
- Гэта ўкраінскі беспілотнік!
Было б цікава паслухаць самаго кіроўцу і пасажыраў аўтобуса, як яны гэта ўсё запомнілі.