Лукашэнка загадаў забараніць арганізаваныя паездкі дзяцей за мяжу без дазволу дзяржавы
«У гэты час трэба пабыць дома», — заявіў Аляксандр Лукашэнка на наступны дзень пасля ўдару беспілотніка ў беларускі аўтобус на трасе ў Бранскай вобласці. У ім дзяцей з Рэчыцы везлі ў Геленджык на ўзбярэжжа Чорнага мора, дзе ідуць актыўныя баявыя дзеянні.
Аляксандр Лукашэнка даручыў забараніць паездкі дзіцячых груп за мяжу без дзяржаўнага нагляду і адпаведнага дазволу. Пра гэта ён заявіў, каментуючы атаку дрона на аўтобус з беларускімі грамадзянамі, у тым ліку дзецьмі, у Бранскай вобласці, паведамляе БелТА.
«Я не хачу нікога асуджаць, але хачу папрасіць нашых людзей, асабліва бацькоў: калі гаворка ідзе пра дзяцей, у гэты час трэба пабыць дома. Трэба займацца футболам і іншымі мерапрыемствамі тут.
Тут камфортней, у ціхай і спакойнай краіне. І трэба забараніць усялякія паездкі без дзяржаўнага кантролю і дазволу», — заявіў ён.
У сувязі з тым, што адбылося, Аляксандр Лукашэнка звярнуў увагу на шэраг акалічнасцяў, згадаўшы пра мэту паездкі групы беларускіх дзяцей у Геленджык.
«Хачу звярнуць увагу на сам факт: бацькі, і яны гэтага не адмаўляюць, арганізавалі гэтую паездку ці то на адпачынак, ці то для таго, каб трэніраваць дзяцей гуляць у футбол у Геленджыку.
Слухайце, у нас што, бракуе зямлі, каб гуляць у футбол? У нас бракуе палёў, каб нармальна займацца футболам і дзецям, і дарослым камандам? Не бракуе», — адзначыў ён.
Для паездкі да месца прызначэння бацькі звярнуліся ў прыватную кампанію і нанялі аўтобус.
«Не хачу асуджаць і гэтую прыватную кампанію. Яны дзейнічалі законна — як індывідуальныя прадпрымальнікі. Наймалі аўтобус, паехалі, — сказаў Аляксандр Лукашэнка. — А цяпер некаторыя выстаўляюць прэтэнзіі. Не трэба выстаўляць прэтэнзій нам. Дарослым людзям, нам усім і найперш бацькам, трэба асцярожней ставіцца да такіх рэчаў».
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
Бо ручкі сінепалыя казыталіся закрыць прыватных перавозчыкаў ажно нават за мяжы краіны, вось вам і рэальная прычына