Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
«U hety čas treba pabyć doma», — zajaviŭ Alaksandr Łukašenka na nastupny dzień paśla ŭdaru bieśpiłotnika ŭ biełaruski aŭtobus na trasie ŭ Branskaj vobłaści. U im dziaciej z Rečycy vieźli ŭ Hielendžyk na ŭźbiarežža Čornaha mora, dzie iduć aktyŭnyja bajavyja dziejańni.
Alaksandr Łukašenka daručyŭ zabaranić pajezdki dziciačych hrup za miažu bieź dziaržaŭnaha nahladu i adpaviednaha dazvołu. Pra heta jon zajaviŭ, kamientujučy ataku drona na aŭtobus ź biełaruskimi hramadzianami, u tym liku dziećmi, u Branskaj vobłaści, paviedamlaje BiełTA.
«Ja nie chaču nikoha asudžać, ale chaču paprasić našych ludziej, asabliva baćkoŭ: kali havorka idzie pra dziaciej, u hety čas treba pabyć doma. Treba zajmacca futbołam i inšymi mierapryjemstvami tut.
Tut kamfortniej, u cichaj i spakojnaj krainie. I treba zabaranić usialakija pajezdki bieź dziaržaŭnaha kantrolu i dazvołu», — zajaviŭ jon.
U suviazi z tym, što adbyłosia, Alaksandr Łukašenka źviarnuŭ uvahu na šerah akaličnaściaŭ, zhadaŭšy pra metu pajezdki hrupy biełaruskich dziaciej u Hielendžyk.
«Chaču źviarnuć uvahu na sam fakt: baćki, i jany hetaha nie admaŭlajuć, arhanizavali hetuju pajezdku ci to na adpačynak, ci to dla taho, kab treniravać dziaciej hulać u futboł u Hielendžyku.
Słuchajcie, u nas što, brakuje ziamli, kab hulać u futboł? U nas brakuje paloŭ, kab narmalna zajmacca futbołam i dzieciam, i darosłym kamandam? Nie brakuje», — adznačyŭ jon.
Dla pajezdki da miesca pryznačeńnia baćki źviarnulisia ŭ pryvatnuju kampaniju i naniali aŭtobus.
«Nie chaču asudžać i hetuju pryvatnuju kampaniju. Jany dziejničali zakonna — jak indyvidualnyja pradprymalniki. Najmali aŭtobus, pajechali, — skazaŭ Alaksandr Łukašenka. — A ciapier niekatoryja vystaŭlajuć pretenzii. Nie treba vystaŭlać pretenzij nam. Darosłym ludziam, nam usim i najpierš baćkam, treba aściarožniej stavicca da takich rečaŭ».
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary
Bo ručki siniepałyja kazytalisia zakryć pryvatnych pieravozčykaŭ ažno navat za miažy krainy, voś vam i realnaja pryčyna