Але Расія гатовая прыняць «увесь комплекс мер», каб забяспечыць бяспеку Беларусі, заяўляе кіраўнік МЗС РФ.
Беларусь спрабуюць уцягнуць ва ўкраінскі канфлікт, тым самым ускладніўшы магчымасці яго ўрэгулявання палітыка-дыпламатычнымі сродкамі. Аб тым заявіў міністр замежных спраў Расіі Сяргей Лаўроў, каменціруючы заяву прадстаўніка Еўракамісіі Аніты Хіпер, якая падтрымала права Украіны абараняць сябе, у тым ліку атакуючы расійскія рэтранслятары ў Беларусі.
«Гэтая нямецкая дама наўпрост падтрымала пагрозы, якія ўчора высунуў Зяленскі ў адрас суверэннай дзяржавы, паабяцаўшы выкарыстаць сілу, калі гэтаму дыктатару таго захочацца. Таму я лічу, што гэтая цынічная спроба павінна быць асуджаная. Гэта відавочна нацэлена на тое, каб уцягнуць Беларусь у наўпрост у канфлікт палітыка-дыпламатычнымі сродкамі», — сказаў Лаўроў падчас пасольскага круглага стала па сітуацыі вакол Украіны.
Лаўроў нагадаў, што з сакавіка 2025 года дзейнічае дагавор паміж Расійскай Федэрацыяй і Беларуссю аб гарантыях бяспекі ў рамках Саюзнай дзяржавы.
«І ў выпадку неабходнасці мы гатовы прыняць увесь комплекс мер, які прадугледжаны дагаворам, каб гарантаваць бяспеку нашага саюзніка і, безумоўна, бяспеку Саюзнай дзяржавы», — заявіў кіраўнік МЗС Расіі.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары
Вось не трэба гэтага "комплекса мер", нагоняць да нас 300к расейскіх вайсковых і як іх потым адсюль выгнаць?
«І ў выпадку неабходнасці мы гатовы прыняць увесь комплекс мер, які прадугледжаны дагаворам, каб забяспечыць бяспеку нашага саюзніка і, безумоўна, бяспеку Саюзнай дзяржавы», — заявіў кіраўнік МЗС Расіі.
- Расея ўвядзе свае войскі на тэрыторыю Беларусі па дамове ОДКБ.