«Я ўсё больш баюся. Самалёты Tornado лятаюць над Гамбургам і выдаюць жудасны шум… У мяне на кухні ўсё дрыжыць…»
Заснавальнік і аўтар музыкі й тэкстаў Modern Talking стаў госцем нямецкамоўнага падкаста «Hopf & Kettner», дзе заявіў, што не жадае перамогі Украіны, паколькі, на яго думку, Уладзімір Пуцін не зможа так проста прайграць. Паводле слоў Болена, перамога Украіны была б найгоршым сцэнарыем развіцця падзей, піша Delfi.lv.
«Я ўсё больш баюся. Самалёты Tornado лятаюць над Гамбургам і выдаюць жудасны шум… У мяне на кухні ўсё дрыжыць… А самы папулярны палітык Германіі, міністр абароны Барыс Пісторыус, стаіць разам з украінскімі вытворцамі зброі і святкуе стварэнне сумесных прадпрыемстваў. Не ведаю, ці гэта правільна».
Ён таксама заявіў: «Раней усе гаварылі пра мір, а цяпер гавораць пра вайну».
На думку Болена, нямецкія ўлады няправільна ацэньваюць сітуацыю. «І міністр фінансаў увесь час ужывае слова «вайна», калі гаворыць пра Украіну, сцвярджаючы, што яна пераможа Расію… І я думаю: яны што, не ведаюць гісторыю?»
Музыка расказаў пра свае тэлефонныя размовы з палітыкам Фрыдрыхам Мерцам: «Я заўважыў, што ён цвёрда верыць у здольнасць Украіны перамагчы. Але ён не робіць ніякіх высноў, што будзе далей. Яны думаюць, што Расія і Пуцін з гэтым пагодзяцца? Не. У іх ёсць сотні ядзерных бомбаў, кожная з якіх амаль здольная знішчыць Германію». Пры гэтым Болен не згадаў прычыны вайны, расійскае ўварванне ва Украіну і ўдары па ўкраінскіх гарадах. Паводле яго слоў, расійскае кіраўніцтва не змірыцца з паразай і можа ўжыць ядзерную зброю. «Гэта быў бы горшы сцэнар. Калі Украіна пераможа, гэта, верагодна, прывядзе да сусветнай вайны».
Адначасова ён заявіў, што Германіі няма чаго баяцца з боку Расіі.
«У Расіі столькі тэрыторыі, што яны не ведаюць, што з ёй рабіць. А людзі думаюць, што яны прыйдуць сюды… Але тут, у Германіі, нічога няма, ніякіх прыродных рэсурсаў. Што яны хочуць рабіць з Германіяй? Гэта бессэнсоўна».
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары