Выпадак адбыўся на рэйсе Мінск — Смалявічы.
14 ліпеня на прыгарадным маршруце №447 адбыўся інцыдэнт, які абурыў бацькоў: дзіця з інваліднасцю апынулася на ўзбочыне пасля таго, як кіроўца запатрабаваў аплаціць праезд, хаця паводле заканадаўства яно мае права на бясплатны праезд. Больш за тое, за адзін дзень кіроўца двойчы адмовіўся перавозіць непаўналетняга пасажыра, паведамляе smolevichi-24.by.
А 7:37 на прыпынку «Дзінараўка» на маршруце «Мінск — Смалявічы» кіроўца аўтобуса запатрабаваў ад дзіцяці аплаціць праезд, нягледзячы на тое, што непаўналетні меў пры сабе сапраўднае пасведчанне інваліда III групы, якое дае права на бясплатны праезд. Пасля адмовы аплачваць праезд кіроўца высадзіў пасажыра.
А 13:38 гісторыя паўтарылася ўжо на прыпынку «Беларэчанская» ў зваротным кірунку. Той самы кіроўца зноў не ўзяў у аўтобус дзіця з інваліднасцю, спаслаўшыся на нібыта неаплачаны праезд.
Высветлілася, што кіроўца сапраўды парушыў патрабаванні заканадаўства, але, як аказалася, з-за ўласнага недастатковага ведання прававых нормаў.
«Мы ўстанавілі, што кіроўца, які абслугоўваў маршрут №447 «Мінск — Смалявічы», сапраўды дапусціў неправамерныя дзеянні, кіруючыся памылковым асабістым тлумачэннем нормаў заканадаўства, якія рэгулююць перавозку дзяцей з інваліднасцю, — пракаментаваў сітуацыю дырэктар аўтапарка №18 Юрый Кульваноўскі. — Мы прыносім свае прабачэнні пасажыру і яго законным прадстаўнікам за прычынены стрэс і нязручнасці».
Цяпер чытаюць
Вось хто той хлопец, які паехаў на праполку бульбы і стаў героем сацсетак6
Каментары