Дарадца Мінабароны Украіны: Рэтранслятары ў Беларусі ўсё адно выкарыстоўваюцца для атак на Украіну
Дарадца Міністэрства абароны Украіны Сяргей Бяскрэстнаў («Флэш») выказаў меркаванне, што тэрыторыя Беларусі можа ўсё адно выкарыстоўвацца для размяшчэння рэтранслятараў, якія дапамагаюць кіраваць ударнымі беспілотнікамі падчас атак на Украіну.
Як паведамляе Бяскрэстнаў, адзін з кіраваных рэактыўных «Шахедаў» у 7:11 раніцы 15 ліпеня атакаваў аўтазапраўку ў горадзе Маліне Жытомірскай вобласці.
Паводле даных украінскіх радыёлакацыйных сістэм, беспілотнік рухаўся ўздоўж мяжы з Беларуссю, затым змяніў маршрут і накіраваўся да месца ўдару. Такая траекторыя, як сцвярджаецца, можа сведчыць пра ручное кіраванне дронам праз відэакамеру.
Адзначаецца, што адлегласць ад месца атакі да расійскай тэрыторыі складае каля 260 кіламетраў, што ўскладняе кіраванне беспілотнікам непасрэдна па радыёканале. Пры гэтым іншых дронаў, якія маглі б выкарыстоўвацца як рэтранслятары, у той момант у паветры не зафіксавалі.
«Флэш» падкрэслівае, што канчатковыя высновы павінны зрабіць спецыялізаваныя службы пасля поўнага аналізу сітуацыі.
Таксама ён сцвярджае, што для Расіі важна мець магчымасць наносіць удары па заходніх рэгіёнах Украіны з дапамогай беспілотнікаў з дыстанцыйным кіраваннем, а для гэтага могуць выкарыстоўвацца рэтрансляцыйныя сістэмы. Пры гэтым не выключаецца, што такія прылады могуць размяшчацца без ведама беларускіх уладаў, паколькі іх устаноўка можа займаць мала часу.
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
«Нібыта дроны збівалі». У вёсцы на поўдні Беларусі гавораць пра дзіўную актыўнасць каля «вайсковай вышкі»
Сырскі: У Беларусі зноў фіксавалі працу аднаго з рэтранслятараў. Больш яны іх уключаць не будуць, усвядомяць, што так не трэба
Паветраныя сілы УСУ пра рэтранслятары ў Беларусі: Цяпер расіянам значна цяжэй наносіць дакладныя ўдары
Зяленскі: Рэтранслятары на мяжы Беларусі прыпынілі працу
«Тое, што яны робяць, гэта і адпавядае інтарэсам». Пазняк пахваліў Лукашэнку ў сітуацыі з ультыматумам Зяленскага
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
[Зрэдагавана]