У польскім горадзе Лодзь невядомы мужчына напаў на выпадковага мінака, бо памылкова палічыў яго ўкраінцам. Інцыдэнт адбыўся 11 ліпеня ў цэнтры горада на алеі Пілсудскага, піша Rmf24.pl.
Паводле слоў пацярпелага, нападнік падышоў да яго, калі ён размаўляў па тэлефоне, ударыў некалькі разоў і пачаў абражаць, заяўляючы, што яму нібыта «не месца ў гэтай краіне».
Пацярпелым аказаўся грамадзянін Польшчы. У выніку нападу ён атрымаў сур'ёзныя траўмы галавы, пашкоджанні носа і сківіцы, пасля чаго быў дастаўлены ў бальніцу. На наступны дзень мужчына звярнуўся ў паліцыю.
Праваахоўнікі шукаюць нападніка. Яны ўжо атрымалі запісы з камер відэаназірання і звяртаюцца да сведкаў здарэння.
У паліцыі адзначылі, што канчатковы матыў дзеянняў нападніка можна будзе ўстанавіць толькі пасля яго затрымання і допыту.
У Варшаве ўладальніца крамы паказала дызлайкі ўдзельнікам антыўкраінскага мітынгу. Пасля таго яе краму разграмілі
Караль Наўроцкі заклікаў польскі Сейм забараніць сцяг УПА
Наўроцкі распавёў пра размову з Зяленскім у Анкары і змяніў тон у адносінах да Украіны
«З Бандэрай Украіну ў ЕС не прымуць»: у Польшчы прыгразілі блакаваць шлях Украіны ў Еўрасаюз
У Польшчы затрымалі ўкраінца, які пагражаў Наўроцкаму ў інтэрнэце
Каментары
І няхай сьвет бачыць сапраўдную цывілізаванасьць вашай дзяржавы, ды што насамрэч хаваюць мілыя ды ўсьмешлівыя маскі на вашых тварах...